Hardik Pandya IPL 2023: कर्णधार पांड्या चिंतेत! 5 चेंडूत 5 षटकार खाल्ल्यानंतर यशची तब्येत बिघडली; 9 किलो वजन...

Hardik Pandya on Yash Dayal : गुजरात टायटन्स संघाने मंगळवारी मुंबई इंडियन्सचा पराभव करत मोसमातील पाचवा विजय मिळवला. गतविजेते गुणतालिकेत दुसऱ्या स्थानावर आहेत. संघाला विजय मिळाला मात्र कर्णधार हार्दिक पांड्या नाराज दिसला. त्यांच्या नाराजीचे कारण गुजरातचा गोलंदाज यश दयाल.

मंगळवारी झालेल्या सामन्यात यश दयाल दिसला नाहीत. याआधीही त्याला संधी मिळाली नव्हती. सामन्यानंतर हार्दिक पांड्याला यश दयालबद्दल प्रश्न विचारण्यात आला. गुजरातच्या कर्णधाराने म्हणाला की, केकेआरविरुद्धच्या सामन्यापासून यशची तब्येत खराब आहे. 10 दिवसात त्याने आठ ते नऊ किलो वजन कमी केले आहे पण तो खूप मेहनत घेत आहे. तो लवकरच परत येईल.

हार्दिकच्या वक्तव्यापूर्वी यशला गुजरातच्या प्लेइंग-11 मधून दबावाची परिस्थिती हाताळता न आल्याने त्याला बाहेर ठेवण्यात आल्याचे मानले जात होते. या मोसमात त्याची कामगिरीही चांगली झाली नाही. आयपीएल 2023 च्या तीनही सामन्यांमध्ये तो दिसला पण त्याला एकही विकेट मिळवता आली नाही.

केकेआरविरुद्धच्या सामन्याने त्याची संपूर्ण लय बिघडवली. त्या सामन्याच्या शेवटच्या षटकात केकेआरला 29 धावांची गरज होती. त्या सामन्यात हार्दिक कर्णधार नव्हता. राशिद खान कडे संघाची धुरा होती. त्याने यश दयालकडे चेंडू सोपवला. रिंकू सिंगने षटकातील शेवटच्या पाच चेंडूंमध्ये पाच षटकार ठोकत आपल्या संघाला रोमहर्षक विजय मिळवून दिला.

हा 25 वर्षीय तरुण गोलंदाज गेल्या मोसमात गुजरात टायटन्ससाठी महत्त्वाचा गोलंदाज ठरला. यशने IPL 2022 मध्ये 9 सामन्यात 11 विकेट घेतल्या. गेल्या हंगामातही त्याचा इकॉनॉमी रेट जास्त होता. त्याने एका षटकात 9 पेक्षा जास्त धावा लुटल्या होत्या.