मुंबई : अटीतटीच्या सामन्यात मोक्याच्या क्षणी मुंबईने आपला खेळ उंचावला. गुजरातला शेवटच्या षटकात 9 धावांची गरज असताना डॅनियल सॅम्सने फक्त 3 धावा देत मुंबईला विजय मिळवून दिला. मुंबईने गुजरासमोर 178 धावांचे आव्हान ठेवले होते. मात्र गुजरातला 20 षटकात 5 बाद 172 धावांपर्यंतच मजल मारता आली. गुजरातकडून वृद्धीमान साहाने सर्वाधिक 55 धावा केल्या. त्याला शुभमन गिलने 52 धावा करून चांगली साथ दिली. या दोघांनी 106 धावांची सलामी दिली. मात्र मुंबईच्या गोलंदाजांनी मोक्याच्या क्षणी खेळ उंचवला आणि सामना जिंकून दिला. मुंबईकडून मुर्गन अश्विनने दोन तर पोलार्डने 1 विकेट घेतली.
14 चेंडूत 24 धावा करणाऱ्या पांड्याला इशान किशनने मोक्याच्यावेळी धावाबाद केले. पांड्या बाद झाला त्यावेळी गुजरातला 14 चेंडूत 22 धावांची गरज होती.
मुर्गन अश्विनने 13 व्या षटकाच्या पहिल्या चेंडूवर 52 धावांवर शुभमन गिलला बाद केले. तर 6 व्या चेंडूवर 55 धावा करणाऱ्या वृद्धीमान साहाला बाद करत दुसरा सलामीवीर देखील माघारी धाडला.
शुभमन गिलने अर्धशतक (52) ठोकून वृद्धीमान साहा बरोबर 106 धावांची सलामी दिली. साहानेही आपले अर्धशतक पूर्ण केले. अखेर ही जोडी मुर्गन अश्विनने फोडली.
मुंबईचे 178 धावांचे आव्हान घेऊन मैदानात उतरलेल्या गुजरात टायटन्सने दमदार सुरूवात केली. सलामीवीर शुभमन गिल आणि वृद्धीमान साहाने पॉवर प्लेमध्ये नाबाद 54 धावा केल्या.
मुंबईने गुजरात टायटन्ससमोर 177 धावांचे आव्हान ठेवले. मुंबईकडून इशान किशनने सर्वाधिक 45 धावांची खेळी केली. रोहित शर्माने देखील आक्रमक सुरूवात करत 43 धावांची खेळी केली. तर टीम डेव्हिडने देखील तिलर वर्मासोबत भागीदारी रचत मुंबईला 150 च्या पार पोहचवले. त्याने 21 चेंडूत नाबाद 44 धावांची खेळी केली. यामुळे मुंबईला 177 धावांपर्यंत मजल मारता आली.
रोहित शर्मा पाठोपाठ इशान किशन देखील अर्धशतक पूर्ण होण्यापूर्वीच बाद झाला. त्याला अल्झारी जोसेफने 45 धावांवर बाद केले.
प्रदीप सांगवानने मुंबईचा फॉर्ममध्ये असलेला फलंदाज सूर्यकुमार यादवला 13 धावांवर बाद करत मुंबईला दुसरा धक्का दिला.
मुंबईचे सलामीवीर रोहित शर्मा आणि इशान किशन अनेक सामन्यानंतर आज चांगल्या लयीत दिसत होते. या दोघांनी 8 षटकात 74 धावांची सलामी दिली होती. यात रोहितच्या 28 चेंडूत केलेल्या 43 धावांचा मोठा वाटा होता. मात्र राशिद खानने ही जोडी फोडली. त्याने रोहितला अर्धशतक पूर्ण करू दिले नाही.
मुंबईने आपल्या संघात एक बदल केला असून मुर्गन अश्विन संघात परतला आहे. तो ऋतिक शौकीनची जागा घेईल.
गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.