मुंबई : अखेर गुजरातची सलग पाच विजयांची मालिका पंजाबने खंडीत केली. पंजाबने गुजरात टायटन्सचे 144 धावांचे आव्हान 16 षटकात 2 फलंदाजांच्या मोबदल्यातच पार केले. पंजाब किंग्जकडून सलामीवीर शिखर धवनने 62 धावांनी दमदार खेळी केली. तर लिम लिव्हिंगस्टोनने 10 चेंडूत 30 धावांची खेळी करत सामना लवकर संपवला.
लॉकी फर्ग्युसनने पंजाबला दुसरा धक्का दिला. त्याने भानुका राजपक्षेला 40 धावांवर बाद केले.
शिखर धवनने दमदार फलंदाजी करत अर्धशतक ठोकले. त्याने भानुका राजपक्षेसोबत दुसऱ्या विकेटसाठी अर्धशतकी भागीदारी रचली.
गुजरातचे एका पाठोपाठ एक फलंदाज माघारी जात असताना साई सुदर्शनने झुंजार खेळी करत 50 चेंडूत 65 धावांची खेळी केली. या खेळीच्या जोरावरच गुजरात टायटन्सने 20 षटकात 8 बाद 143 धावांपर्यंत पोहचवले.
कसिगो रबाडाने 17 व्या षटकात गुजरातच्या राहुल तेवतिया (11) आणि राशिद खानला (0) बाद करत पाठोपाठ दोन धक्के दिले.
गुजरातचा फॉर्ममध्ये असलेल्या डिव्हिड मिलरला लिम लिव्हिंगस्टोनने 11 धावांवर बाद केले.
हार्दिक पांड्याला ऋषी धवनने अवघ्या 1 धावेवर बाद करत गुजरातला तिसरा आणि मोठा धक्का दिला.
गुजरातचे दोन्ही सलामीवीर 34 धावांवर माघारी गेले. शुभमन गिल 9 धावांवर धावबाद झाला. तर 21 धावा करणाऱ्या वृद्धीमान साहाला रबाडाने बाद केले.
गुजरात टायटन्सने नाणेफेक जिंकून प्रथम फलंदाजी करण्याचा निर्णय घेतला आहे. दोन्ही संघात कोणताही बदल करण्यात आलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.