VIDEO : 'दहा रूपयाची पेप्सी युजी भाई सेक्सी'

IPL 2022: राजस्थान रॉयल्सने आयपीएल हंगाम 2022 ची विजयाने सुरुवात केली. त्यांनी सनरायझर्स हैदराबादचा 61 धावांनी पराभव केला. राजस्थानकडून (Rajasthan Royals) संजू सॅमसनने धडाकेबाज अर्धशतकी खेळी केली. तरी गोलंदाजीत युजवेंद्र चहलने (Yuzvendra Chahal) भेदक मारा करत तीन विकेट घेतल्या. त्याच्या गोलंदाचीची सामन्यानंतर चांगलीच चर्चा झाली. दरम्यान, राजस्थान रॉयल्सने आपल्या ड्रेसिंग रूममधील एक व्हिडिओ (Video) सोशल मीडिवर शेअर केला.

या व्हिडिओत युजवेंद्र चहल आणि राजस्थानचे फिल्डिंग कोच दिशांत याज्ञनिक एकमेकांची खेचता दिसत आहेत. दिशांतने युजवेंद्र चहलच्या कामगिरीवर आपल्या भावना व्यक्त केल्या. तो या व्हिडिओत '10 रूपयाची पेप्सी युजी भाई सेक्सी' असे म्हणत असल्याचे दिसते. त्यावर युझवेंद्र चहलने देखील हसून त्याला दाद दिली. हा व्हिडिओ शेअर करत राजस्थान रॉयल्सने कॅप्शनमध्ये 'पुण्याच्या स्टँडपासून ड्रेसिंगरूमपर्यंत सध्या हेच बोलले जात आहे.'

राजस्थान रॉयल्सने सनरायझर्स हैदराबाद विरूद्ध 210 ठोकल्या होत्या. त्यात कर्णधार संजू सॅमसनने 27 चेंडूत 55 धावांची तडाखेबाज खेळी केली होती. त्याला देवदत्त पडिक्कलने 41 आणि जोस बटलरने 35 धावा करून चांगली साथ दिली. त्यानंतर हेटमायरने 13 चेंडूत 32 धावा ठोकून राजस्थानला 200 टप्पा पार करून दिला. याच्या प्रत्युतरात खेळणाऱ्या हैदराबादला 20 षटकात 149 धावांपर्यंतच मजल मारता आली. राजस्थानकडून युजवेंद्र चहलने 3 विकेट घेतल्या तर प्रसिद्ध कृष्णा आणि ट्रेट बोल्टने प्रत्येकी 2 विकेट घेतल्या.