वॉशिंग्टनची 'सुंदर' बॅटिंग; पण 'सुर्यवंशम' मीम्स का होतेय व्हायरल? | Sakal
sakal

बोलून बातमी शोधा

Washington Sundar

वॉशिंग्टनची 'सुंदर' बॅटिंग; पण 'सुर्यवंशम' मीम्स का होतेय व्हायरल?

IPL 2022 : आयपीएलच्या 15 व्या हंगामात पुण्यातील मैदानातील (Pune Cricket Stadium) सलामीच्या लढतीत राजस्थान रॉयल्सनं केन विल्यमसनच्या नेतृत्वाखालील सनरायझर्स हैदराबादला (Sunrisers Hyderabad) पराभूत केले. या सामन्यानंतर सोशल मीडियावर वॉशिंग्टन सुंदर (Washington Sundar) चांगलाच चर्चेत आलाय. हैदराबादने सामना जिंकला नसला तरी त्यांच्याकडून खेळणाऱ्या युवा भारतीय फिरकीपटूनं आपल्या भात्यातील फटकेबाजीन सर्वांची मनं जिंकली आहेत. राजस्थान रॉयल्सनं (Rajasthan Royals) दिलेल्या 210 धावांच्या डोंगराएवढ्या धावांचा पाठलाग करताना हैदराबादकडून वॉशिंग्टन सुंदरने अप्रतिम खेळी केली. (ipl 2022 srh vs rr Washington Sundar played beautifully knock of 40 netizens troll rcb)

हेही वाचा: VIDEO : केनवरील प्रेमापोटी अंपायरवर बरसले नेटकरी!

आघाडीचे फलंदाज स्वस्तात माघारी फिरल्यानंतर पाटा खेळपट्टीवर कशी फटकेबाजी करायची याचा नमुना त्याने दाखवून दिला. वॉशिंग्टन सुंदरन 14 चेंडूत 40 धावांची खेळी केली. आपल्या खेळीत 5 चौकार आणि 2 षटकार खेचत त्याने 285.71 च्या स्ट्राइक रेटनं धावा कुटल्या. त्याची ही खेळी पाहून नेटकरी भलतेच खूश झाले. सोशल मीडियावर त्याच्या खेळीचे कौतुक होत आहे.

हेही वाचा: SRH vs RR : वॉशिंग्टनची 'सुंदर' खेळी; राजस्थानची अतिसुंदर व्हिक्टरी!

वॉशिंग्टन सुंदरच्या खेळीनं RCB ट्रोल

वॉशिंग्टन सुंदरच्या दमदार फलंदाजीचं कौतुक करताना काही नेटकरी आरसीबीची फिरकी घेत आहेत. एका नेटकऱ्याने तर सुर्यवंशम चित्रपटातील शिवाजी साटम आणि बिंदू यांच्यातील एक इमोशनल सीनच्या मीम्समधून आरसीबीच्या भावना काय असतील हे सांगण्याचा प्रयत्न केलाय.

यंदाच्या आयपीएलसाठी झालेल्या लिलावात रॉयल चॅलेंजर्स बंगळुरुनं वाशिंग्टन सुंदर आणि देवदत्त पडिक्कल या दोन युवांना बाहेरचा रस्ता दाखवला होता. पुण्याच्या मैदानात दोघांनी तुफानी खेळी केली. राजस्थानकडून देवदत्त पडिक्कल तर हैदराबादकडून वाशिंग्टन सुंदरने लक्षवेधी खेळ केला. त्यामुळेच आरसीबीला त्यांना सोडल्याचा पश्चाताप होत असेल, असा तर्क नेटकरी लावत आहेत.

Web Title: Ipl 2022 Srh Vs Rr Washington Sundar Played Beautifully Knock Of 40 Netizens Troll Rcb

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..