RCB IPL 2023 : मुंबईकडून पराभूत झाल्यानंतरही RCB पोहोचू शकते प्लेऑफमध्ये! जाणून घ्या संपूर्ण गणित

IPL 2023 royal challengers bangalore
IPL 2023 royal challengers bangalore

Royal Challengers Bangalore IPL 2023 : रॉयल चॅलेंजर्स बंगळुरूला वानखेडे स्टेडियमवर मुंबई इंडियन्सकडून पराभवाचा सामना करावा लागला, ज्यामुळे त्यांचा आयपीएल 2023 च्या प्लेऑफमधील मार्ग अधिक कठीण झाला आहे.

आरसीबी हा सुरुवातीपासूनच प्लेऑफमध्ये पोहोचणाऱ्या संघांपैकी एक मानला जात होता, मात्र गेल्या काही सामन्यांमध्ये संघाची हालत खराब झाली.

IPL 2023 royal challengers bangalore
IPL 2023 : विराट कोहली आऊट झाल्यानंतर नवीनने केले हे कृत्य, RCBच्या चाहत्यांनी केला राडा

आरसीबीला गेल्या चारपैकी तीन सामन्यांमध्ये पराभवाचा सामना करावा लागला आहे. आयपीएल 2023 च्या 54 व्या सामन्यात मुंबई इंडियन्स विरुद्ध रॉयल चॅलेंजर्स बंगलोरने 199 धावा केल्या.

200 धावांचा पाठलाग करताना इशान किशनने 21 चेंडूत 42 धावांची खेळी केली. सूर्यकुमार यादवने 35 चेंडूत 83 धावा आणि नेहल वढेराने 34 चेंडूत 52 धावा केल्याने मुंबई इंडियन्सचा 6 गडी राखून विजय झाला. या दणदणीत विजयासह मुंबई इंडियन्स आता गुणतालिकेत तिसऱ्या क्रमांकावर पोहोचली आहे.

IPL 2023 royal challengers bangalore
MI vs RCB : सूर्या चमकला; मुंबईने आरसीबीचा केला 6 विकेट्स अन् 21 चेंडूत राखून पराभव

मुंबई इंडियन्सविरुद्धच्या सामन्यापूर्वी रॉयल चॅलेंजर्स बंगळुरूच्या खात्यात 10 गुण होते. आरसीबीने त्यांचे उर्वरित सर्व सामने जिंकले असते तर त्यांचे 18 गुण झाले असते. मात्र, आता हे शक्य नाही. पण रॉयल चॅलेंजर्स बंगळुरू अजूनही जास्तीत जास्त 16 गुण मिळवू शकतो.

मात्र त्यासाठी आरसीबीला त्यांचे उर्वरित तीनही सामने जिंकावे लागतील. आयपीएल 2023 च्या गुणतालिकेत गुजरात टायटन्स सध्या 16 गुणांसह अव्वल स्थानावर आहे. गुजरातला प्लेऑफमध्ये आपले स्थान पक्के करण्यासाठी उर्वरित तीन सामन्यांतून आणखी एका विजयाची गरज आहे.

IPL 2023 royal challengers bangalore
Suryakumar Yadav MI vs RCB : मुंबई पोहचली तिसऱ्या स्थानावर, आरसीबीचं वाढलं टेन्शन

चेन्नई सुपर किंग्सने आतापर्यंत 11 सामने खेळले असून त्यांचे 13 गुण आहेत. जर सीएसकेने त्यांचे उर्वरित तीन सामने जिंकले तर त्यांचे 17 गुण होतील, जे त्यांना पहिल्या चारमध्ये नेण्यासाठी पुरेसे आहेत.

राजस्थान रॉयल्स, कोलकाता नाईट रायडर्स आणि पंजाब किंग्जचे देखील 10 गुण आहेत परंतु त्यांनी 11 सामने खेळले आहेत त्यामुळे ते जास्तीत जास्त 16 गुणांपर्यंत पोहोचू शकतात.

आयपीएल 2023 च्या प्लेऑफमध्ये चौथ्या स्थानासाठी रॉयल चॅलेंजर्स बंगलोर, कोलकाता नाइट रायडर्स, राजस्थान रॉयल्स आणि पंजाब किंग्ज यांच्यात स्पर्धा आहे. जो संघ त्यांच्या उर्वरित सामने जिंकेल तो आयपीएल 2023 च्या प्लेऑफसाठी पात्र ठरेल.

तथापि, प्लेऑफमध्ये पोहोचण्याचे जवळपास स्पष्ट समीकरण या आठवड्याच्या अखेरीस येईल. सनरायझर्स हैदराबाद आणि दिल्ली कॅपिटल्स देखील या दरम्यान काही आश्चर्य करू शकतात.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com