- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
Rajasthan Royals vs Royal Challengers Bangalore : आयपीएल 2023 चा 60 वा सामना आज राजस्थान रॉयल्स आणि रॉयल चॅलेंजर्स बंगळुरू यांच्यात खेळल्या जाणार आहे. दोन्ही संघांसाठी हा सामना खूप महत्त्वाचा आहे. आजचा सामना जो हरेल त्याला पुनरागमन करत प्ले-ऑफमध्ये जाणे कठीण होईल. अशा परिस्थितीत दोन्ही संघांना हा सामना कोणत्याही किंमतीत जिंकायचा आहे.
राजस्थानमधील जयपूर येथील सवाई मानसिंग स्टेडियमवर हा सामना खेळल्या जाणार आहे. पण आज होणारा सामना जरी आरसीबीने जिंकला तरी त्यांचा संघ सध्यातरी टॉप 4 मध्ये स्थान मिळवू शकणार नाही. चला संपूर्ण समीकरण समजून घेऊ.
रॉयल चॅलेंजर्स बंगळुरू आणि राजस्थान रॉयल्स यांच्यात होणाऱ्या या सामन्यात दोन्ही संघ तुल्यबळ दिसत आहेत. आरसीबीचा संघ सध्या 11 सामन्यांत 5 विजय आणि 6 पराभवांसह गुणतालिकेत 7व्या स्थानावर आहे. त्याच वेळी आरआरचा संघ 12 सामन्यांत 6 विजय आणि 6 पराभवांसह पाचव्या क्रमांकावर आहे.
गुणतालिकेत चौथ्या स्थानावर असलेल्या संघाचे यंदाच्या मोसमात 13 गुण आहेत. जर आरआरने हा सामना जिंकला तर त्यांच्या संघाचे 14 गुण होतील आणि ते चौथ्या स्थानावर पोहोचतील. दुसरीकडे जर आरसीबीने हा सामना जिंकला, तर त्यांचा संघ इच्छा असूनही चौथ्या स्थानावर पोहोचू शकणार नाही कारण त्यांच्या संघाचे केवळ 12 गुण होतील. अशा स्थितीत आजचा सामना जिंकूनही आरसीबीला चौथ्या क्रमांकावर पोहोचता येणार नाही.
या सामन्यात आरसीबीला कोणत्याही परिस्थितीत पराभवाची हॅट्ट्रिक टाळावी लागणार आहे. संघातील काही खेळाडू चांगल्या फॉर्ममध्ये आहेत, मात्र दरवर्षीप्रमाणे त्यांची गोलंदाजी कमकुवत दिसत आहे. त्याचबरोबर मधल्या फळीलाही महत्त्वाच्या प्रसंगी योग्य कामगिरी करता येत नाही.
गोलंदाजांबद्दल बोलायचे झाले तर, मोहम्मद सिराजशिवाय कोणताही गोलंदाज चांगली कामगिरी करू शकत नाही. हर्षल पटेल आपल्या संघाची सतत निराशा करत आहे. अशा स्थितीत त्यांनी या क्षेत्रात खूप विचार करण्याची गरज आहे.
आयपीएल 2023 साठी RCB संघ - फाफ डू प्लेसिस, विराट कोहली, शाहबाज अहमद, ग्लेन मॅक्सवेल, महिपाल लोमरोर, दिनेश कार्तिक (विकेटकीपर), सुयश प्रभुदेसाई, वानिंदू हसरंगा, केदार जाधव, विजयकुमार वैशाक, हर्षल पटेल, मोहम्मद सिराज, आकाश दीप, कर्ण शर्मा, फिनिश अॅलन, अनुज रावत, मायकेल ब्रेसवेल, सिद्धार्थ कौल, सोनू यादव, मनोज भंडगे, वेन पारनेल, राजन कुमार, अविनाश सिंग, हिमांशू शर्मा
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
