IPL 2024 Hardik Pandya Vs Shreyas Iyer : मख्खन, ढक्कन.... आयपीएलच्या तोंडावर पांड्या अन् अय्यरचं हे चाललंय काय?

IPL 2024 Advertisement Hardik Pandya Vs Shreyas Iyer
IPL 2024 Advertisement Hardik Pandya Vs Shreyas Iyeresakal

IPL 2024 Advertisement Hardik Pandya Vs Shreyas Iyer : इंडियन प्रीमियर लीग 2024 चा हंगाम 22 मार्चपासून सुरू होत आहे. लोकसभा निवडणूक आणि आयपीएलचा 17 वा हंगाम हे दोन्ही एकाचवेळी होत असल्याने पुढचे दोन महिने देशात धुमशान होणार आहे. दरम्यान, निवडणूक कार्यक्रम आणि आयपीएलसाठीची जाहिरात साधारणपणे एकाच दिवशी प्रसिद्ध झाले.

आयपीएल 2024 संदर्भातील ड्रीम इलेव्हनने एक नवी जाहिरात प्रसिद्ध केली आहे. या जाहिरातीत हार्दिक पांड्या आणि इशान किशन हे श्रेयस अय्यरची टर उडवताना दिसत आहेत. मात्र या जाहिरातीत ज्या शब्दांचा वापर झाला आहे ती थोडी आक्षेपार्ह वाटतात.

IPL 2024 Advertisement Hardik Pandya Vs Shreyas Iyer
IPL: '2018 चा कोटा भरून काढायचाय...', 24 कोटींना खरेदी केलेल्या KKR च्या स्टार्कचं मोठं वक्तव्य

जाहिरातीत हार्दिक पांड्या आणि इशान किशन हे केकेआरचा कर्णधार श्रेयस अय्यरसाठी, ' 10 रूपये का मख्खन अय्यर भाई ढक्कन.' असे स्लोगन वापरले.

यावर अय्यरने देखील प्रतिक्रिया दिली असून कोण ढक्कन आणि कोण मख्खन हे काही दिवसातच कळेल हार्दिक अन् इशान सामन्यावेळी भेटू!

या जाहिरातीत रोहित शर्मा आणि ऋषभ पंत देखील आहेत. ही जाहिरात भारतीय संघातील खेळाडू आयपीएल आल्यावर कसे एकमेकांच्या विरोधात उभे ठाकतात हे दाखवण्याचा प्रयत्न करते.

IPL 2024 Advertisement Hardik Pandya Vs Shreyas Iyer
WPL 2024 Final : दिल्लीला आरसीबी देणार कडवं आव्हान, विजेत्यानां रणजीपेक्षाही मिळणार मोठी बक्षीस रक्कम

कोलकाता नाईट रायडर्सचा कर्णधार श्रेयस अय्यर इंडियन प्रीमियर लीग (IPL) 2024 चे सुरुवातीचे सामने गमावू शकतो, टाईम्स ऑफ इंडियाने हे वृत्त दिलं होतं. रणजी ट्रॉफी फायनलमध्ये विदर्भाविरुद्ध मुंबईसाठी 95 धावांच्या खेळीनंतर अय्यरच्या पाठीच्या जुन्या दुखापतीने पुन्हा एकदा उचल खालली. 2023 मध्ये, त्याच दुखापतीमुळे अय्यरवर शस्त्रक्रिया झाली आणि अलीकडील घडामोडींमुळे तो आयपीएल 2024 च्या पहिल्या काही सामन्यांना मुकू शकतो.

टाईम्स ऑफ इंडियाच्या सूत्रांनी सांगितले की, 'त्याची स्थिती चांगली नाही. जुनी पाठीची दुखापत वाढली आहे. रणजी ट्रॉफीच्या पाचव्या दिवशी तो मैदानावर उतरेल याची शक्यता कमी आहे. तो आयपीएलचे काही सामने देखील मुकू शकतो.'

(IPL Marathi News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com