IPL 2024 LSG Shamar Joseph : ऑस्ट्रेलियात धुमाकूळ घालणारा शामर जोसेफ लखनौ सुपर जायंट्सच्या लागला गळाला

IPL 2024 Lucknow Super Giants signs Shamar Joseph : लखनौ सुपर जायंट्सने वेस्ट इंडीजचा युवा वेगवान गोलंदाज शामर जोसेफला आपल्या गोटात खेचलं आहे. लखनौने इंग्लंडचा वेगवान गोलंदाज मार्क वूडची रिप्लेसमेंट म्हणून जोसेफला आपल्या संघात सामील करून घेतलं आहे. यासाठी लखनौने 3 कोटी रूपये मोजले.

वेस्ट इंडीजचा युवा वेगवान गोलंदाज शामर जोसेफने नुकत्याच झालेल्या ऑस्ट्रेलियामधील कसोटी मालिकेत धुमाकूळ घातला होता. त्याच्या भेदक माऱ्यासमोर ऑस्ट्रेलियाने आपला बालेकिल्ला, गाबा गमावला. या विजयाचा मुख्य शिल्पकार हा जोसेफच होता.

सामन्यावेळी त्याच्या पायाला दुखापत झाली होती. मात्र तरी देखील त्याने सामन्यात गोलंदाजी करत ऑस्ट्रेलियाला पराभवाची धूळ चारली. ऑस्ट्रेलियाला कसोटीत गाबामध्ये मात देणारा भारतानंतर वेस्ट इंडीज दुसरा देश ठरला होता.

शामर सध्या पायाच्या दुखापतीतून सावरत आहे. त्यामुळे त्याने इंटरनॅशनल लीग टी 20 स्पर्धेतून माघार घेतली आहे. मात्र तो आता आयपीएलमध्ये पदार्पण करण्यास सज्ज झाला आहे. तो केएल राहुलच्या नेतृत्वाखालील लखनौ सुपर जायंट्सकडून खेळणार आहे.

लखनौ सुपर जायंट्सने अधिकृत वक्तव्य देखील प्रसिद्ध केलं. या वक्तव्यात लखनौ म्हणते की, 'लखनौ सुपर जायंट्स शामर जोसेफ याला मार्क वूडची प्लेसमेंट म्हणून घोषित करत आहे. आगामी आयपीएल 2024 मध्ये तो लखनौकडून खेळेल. त्याला 3 कोटी रूपये देण्यात आले आहेत.'

'वेस्ट इंडीजने ऑस्ट्रेलियाविरूद्ध गाबा कसोटीत विजय मिळवाला. जोसेफ हा वेस्ट इंडीजला विजय मिळवून देण्यात आघाडीवर होता. त्याने दुसऱ्या डावात 7 विकेट्स घेतल्या होत्या.'

(Sports Latest News)