IPL Chennai Super Kings vs Punjab Kings Marahi Cricket News
इंडियन प्रीमिअर लीग २०२५ च्या प्ले ऑफच्या शर्यतीतून बाद झालेल्या चेन्नई सुपर किंग्सकडे गमावण्यासाठी काहीच नाही. त्यामुळेच त्यांचे अचानक फॉर्मात येणे अन्य संघांचे गणित बिघडवणारे ठऱणार आहे. पंजाब किंग्स जो प्ले ऑफच्या जवळ आहे, त्यांना आज CSK ने चांगले दमवले. सॅम करन ( Sam Curran) ने वादळी खेळी करताना PBKS समोर मोठं आव्हान उभं केलं. त्याला डेवॉल्ड ब्रेव्हिसची चांगली साथ मिळाली आणि दोघांच्या ७८ धावांच्या भागीदारीने मॅचमध्ये रंजकता निर्माण केली. पण, युझवेंद्र चहलने ( HAT-TRICK FOR YUZVENDRA CHAHAL) १९व्या षटकात हॅटट्रिकसह चार विकेट्स घेऊन चेन्नईला दोनशेपार जाण्यापासून रोखले.