IPL 2025 Punjab Kings vs Kolkata Knight Riders Marathi update : इंडियन प्रीमिअर लीग २०२५ मध्ये आता विजयासह नेट रन रेटची शर्यत सुरू होणार आहे. चार संघांच्या खात्यात प्रत्येकी ८, दोघांच्या खात्यात प्रत्येकी ६ आणि उर्वरित चार संघांची प्रत्येकी ४ गुणसंख्या दिसतेय. गुणतालिकेत प्रत्येकी सहा गुण असलेले पंजाब किंग्स व कोलकाता नाइट रायडर्स हे संघ समोरासमोर आले आहेत. यात जो विजय मिळवेल तो संघ ८ गुण असलेल्या संघांच्या पंक्तित जाईल. कोलकाताने ( ६) पंजाबपेक्षा एक सामना जास्त खेळला आहे आणि आज ते घरच्या मैदानावर विजयासाठी प्रयत्नशील असतीलच.