KKR vs SRH : 'द आंद्रे रसेल शो'; केकेआरने हैदराबादचा केला 54 धावांनी पराभव

पुणे : आंद्रे रसलेने फलंदाजीत आणि गोलंदाजीत दमदार कामगिरी करत कोलकाता नाईट रायडर्सला सहावा विजय मिळवून दिला. केकेआरने सनराईजर्स हैदराबादचा 54 धावांनी पराभव करत गुणतालिकेत सहाव्या स्थानावर झेप घेतली. केकेआरचे 177 धावांचे आव्हान पार करताना हैदराबादने 20 षटकात 8 बाद 123 धावा केल्या. केकेआरकडून रसेलने 22 धावात 3 विकेट घेतल्या. फलंदाजीतही त्याने 28 चेंडूत नाबाद 49 धावा करत मोलाचे योगदान दिले. केकेआरकडून अभिषेक शर्माने सर्वाधिक 43 धावा केल्या. तर गोलंदाजीत उमारन मलिकने 33 धावात 3 बळी टिपले.

आंद्रे रसेलने 18 व्या षटकात वॉशिंग्टन सुंदर (4) आणि मार्को जेनसेनला (1) धावेवर बाद केले.

उमेश यादवने 32 धावांची खेळी करणाऱ्या माक्ररमचा त्रिफळा उडवला.

वेस्ट इंडीजच्या सुनिल नारायणने आपला देशबांधव निकोलस पूरनला अवघ्या 2 धावांवर बाद करत हैदराबादला चौथा धक्का दिला.

एका बाजूने पडझड होत असताना सलामीवीर अभिषेक शर्माने दमादार फलंदाजी करत डाव सावरला होता. मात्र 28 चेंडूत 43 धावा करणाऱ्या शर्माला चक्रवर्तीने बाद केले.

साऊदीने राहुल त्रिपाठीला 9 धावांवर बाद करत दुसरा धक्का दिला.

सनराईजर्स हैदराबादचा कर्णधार केन विल्यमसन पुन्हा एकदा फेल गेला. 17 चेंडूत 9 धावा करणाऱ्या विल्यमसनचा आंद्रे रसेलचा त्रिफळा उडवला.

आंद्रे रसेलने शेवटच्या षटकात तीन षटकार ठोकत 20 धावा केल्या. या जोरावरच केकेआरने 177 धावांपर्यंत मजल मारली. रसेलने 28 चेंडूत नाबाद 49 धावा केल्या.

उमरान मलिकने तिसरी शिकार करत केकेआरला चौथा धक्का दिला. त्याने श्रेयस अय्यरला 15 धावांवर बाद केले.

उमरान मलिकने नितीश राणा पाठोपाठ 28 धावा करणाऱ्या अजिंक्य रहाणेला देखील बाद केले.

उमरान मलिकने केकेआरला दुसरा धक्का दिला. त्याने 26 धावा करणाऱ्या नितीश राणाला बाद केले.

कोलकाता नाईट रायडर्सने पॉवर प्लेच्या दुसऱ्या षटकातच व्यंकटेश अय्यरला 7 धावांवर गमावले. त्याला मार्को जेनसेने 7 धावांवर बाद केले.

केकेआरच्या संघात उमेश यादव आणि सॅम बिलिंग्ज यांचा समावेश करण्यात आला आहे. तर हैदराबादने आपाल्या संघात मोठे बदल केले. टी. नटराजन, वॉशिंग्टन सुंदर आणि मार्को जेनसेन यांनी संघात कमबॅक केले आहे.