IPL : मुंबई अंतिम सामन्यापासून एक विजय दूर

लखनौचा उडवला धुव्वा आता शुक्रवारी गुजरातशी सामना
mumbai indians
mumbai indians sakal

चेन्नई - गेल्या मंगळवारी झालेल्या सामन्यातील पराभवाची सव्याज परतफेड मुंबई इंडियन्सने केले. लखनौचा ८१ धावांनी दणदणीत पराभव करून आयपीएलच्या क्वॉलिफायर-२ सामन्यात धडक मारली. आकाश मधवालने अवघ्या ५ धावांत ५ विकेट अशी सनसनाटी कामगिरी केली.

अगोदर फलंदाजी त्यानंतर गोलंदाजी आणि क्षेत्ररणातही चपळता दाखवणाऱ्या मुंबईचा सामना शुक्रवारी गुजरातविरुद्ध होणार आहे.आक्रमक धावा करणे सोपे नसलेल्या खेळपट्टीवर मुंबईने प्रथम फलंदाजी करताना २० षटकांत ८ बाद १८२ अशी भक्कम धावसंख्या उभारली त्यानंतर लखनौला १६.३ षटकांत १०१ धावांत गुंडाळले.

mumbai indians
Mumbai Local News : पश्चिम रेल्वेच्या प्रवाशांनी थांबवली एसी लोकल, कारण...

गेल्या काही सामन्यात मुंबईसाठी सर्वात महागडा ठरत असलेल्या जॉर्डनने आज कमाल केली त्याने लखनौचा सलामीवीर मायर्सला बाद केले त्याअगोदर मधवालने प्रेरक मंडकला माघारी धाडले होते. याच मधवालने लागोपाठ दोन चेंडूंवर आयुष बदोनी आणि धोकादायक निकोलर पुरन यांच्या विकेट काढून मुंबईच्या विजयाचा मार्ग खुला केला. ही सर्व घडामोड एका बाजूने घडत असताना लखनौचे मार्कस स्टॉयनिस, कृष्णाप्रा गौतम आणि दीपक हुडा हे तीन फलंदाज धावचीत झाले. तेथेच त्यांचा पराभव निश्चित झाला.

mumbai indians
Pune Nashik Railway : पुणे-नाशिक रेल्वे 'हायस्पीड' पण प्रक्रिया संथ!

रोहित आणि इशान हे मुंबईचे सलामीवीर आक्रमक शैलीचे असल्यामुळे लखनौ कर्णधार कृणाल पंड्याने स्वतःसह फिरकी आक्रमक सुरू केले, परंतु पहिल्या षटकांत सावध पवित्रा घेतल्यानंतर या दोघांनी हल्ला चढवत ३० धावांची सलामी दिली. मात्र यश ठाकूर आणि नवीन उल हक या वेगवान गोलंदाजांनी रोहित आणि इशान यांना पाठोपाठ बाद केले.

गेल्या सामन्यातील शतकवीर कॅमेरून ग्रीन आज त्याच मूडमध्ये हल्लाबोल करत होता. दुसऱ्या बाजुला सूर्यकुमारही तळपण्याच्या मार्गावर होता पण नवीन उल हकने एकाच षटकात या दोघांनी स्लो चेंडूवर (गती कमी केलेला) बाद केले. मुंबईच्या वेगवान वाटचालीला मोठा ब्रेक लागला.

mumbai indians
Mumbai Local Train : एसी लोकलमध्ये ‘फुकट्यांची’ गर्दी ! तिकीट तपासणी मोहीम सुरू

तिलक वर्माने दोन खणखणीत षटकार मारून दडपण बाजूला केले त्याचवेळी टीम डेव्हिडही फॉर्मात येत होता, पण कंबरेच्या वर नोबॉल ठरू शकलेल्या चेंडूवर तो बाद झाला. मुंबईची धावसंख्या मर्यादित रहाण्याची चिन्हे दिसत असताना वधेराने अखेरच्या षटकात १४ धावा फटकावल्या. त्याने एकूण १२ चेंडूत २३ धावांची खेळी केली त्यामुळे मुंबईला १८२ धावांपर्यंत मजल मारता आली.

mumbai indians
Mumbai : डोंबिवली एमआयडीसीतील रस्ता लालेलाल; रस्त्यावर केमिकल मिश्रीत सांडपाणी

संक्षिप्त धावफलक

मुंबई ः २० षटकांत ८ बाद १८२ (कॅमेरून ग्रीन ४१ - २३ चेंडू, ६ चौकार, १ षटकार, सूर्यकुमार यादव ३३ - २० चेंडू, २ चौकार, २ षटकार, तिलक वर्मा २६ -२२ चेंडू, २ षटकार, नेहल वधेरा २३ -१२ चेंडू, २ चौकार, २ षटकार, नवीन उल हक ४-०-३८-४, यश ठाकूर ४-०-३४-४) वि. वि. लखनौ ः १६.३ षटकांत सर्वबाद १०१ (केली मायर्स १८ -१३ चेंडू ३ चौकार, मार्कस स्टॉयनिस ४० -२७ चेंडू, ५ चौकार, १ षटकार, दीपक हुडा १५ - १३ चेंडू, १ षटकार, आकाश मधवाल ३.३-०-५-५, ख्रिस जॉर्डन २-१-७-१, पियुष चावला ४-०-२८-१)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com