MS Dhoni Hardik Pandya : महेंद्रसिंह धोनीचा द्वेष हा फक्त.... पहिल्या क्वालिफायरपूर्वी धोनीबद्दल पांड्या हे काय म्हणाला?

MS Dhoni Hardik Pandya IPL 2023 Qualifier 1 : चेन्नई सुपर किंग्ज आणि गुजरात टायटन्स यांच्यातील आयपीएल क्वालिफायर 1 सामन्यापूर्वी गुजरातचा कर्णधार हार्दिक पांड्याने चेन्नईचा कर्णधार महेंद्रसिंह धोनीबाबत एक मोठे वक्तव्य केले. शक्यतो आपला शेवटचा आयपीएल हंगाम खेळणाऱ्या महेंद्रसिंह धोनीचा द्वेश करण्यासाठी कोणालाही राक्षस व्हावं लागले. चेन्नई आणि गुजरात चेन्नईच्या चिदंबरम स्टेडियमवर आज एकमेकांना भिडणार आहेत.

हार्दिक पांड्याने भारताचा सर्वात यशस्वी कर्णधार हा खूप गंभीर व्यक्ती आहे हा भ्रम देखील दूर केला. गुजरात टायटन्सच्या सोशल मीडिया अकाऊंटवर हार्दिक पांड्याचा एक व्हिडिओ शेअर करण्यात आला आहे. या व्हिडिओत पांड्या म्हणतो की, 'मी कायम धोनीचा प्रशंसक राहिलो आहे. एवढ्या सगळ्या क्रिकेट प्रेमींमध्ये आणि फॅन्समध्ये तुम्हाला धोनीचा द्वेष करण्यासाठी राक्षस व्हावे लागले.'

धोनीने गेल्या हंगामापेक्षा यंदाच्या हंगामात संघात जे बदल केले त्यामुळे सीएसके पुन्हा एकदा प्रकाशझोतात आली. गेल्या हंगामात सीएसके 10 संघांमध्ये नवव्या स्थानावर होती. त्यांना प्ले ऑफ गाठता आले नव्हते. मात्र यावेळी त्यांनी प्ले ऑफ गाठली असून पाचव्यांदा आयपीएल जिंकण्यासाठी ते आपला संपूर्ण जोर लावतील.

पांड्या म्हणाला की, तो धोनीकडून अनेक गोष्टी शिकलाय. 'अनेक लोकांना धोनी हा गंभीर व्यक्ती आहे असे वाटते. मी त्याला जोक ऐकवतो त्यावेळी मी त्याला महेंद्रसिंह धोनीच्या रूपात पाहत नाही. मी त्याच्याकडून अनेक गोष्टी शिकलो आहे. अनेक सकारात्मक गोष्टी ज्या मी त्याच्याकडे पाहून शिकलो आहे. जास्त बोलायंच नाही हे देखील त्याच्याकडूनच शिकलो आहे.'

(Sports Latest News)