सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / वर्ल्ड कपक्रीडा / वर्ल्ड कप
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
वेंकटेश अय्यरने १० व्या षटकात त्याचे अर्धशतक पूर्ण केले. यासह त्याने कोलकाताच्या विजयात मोलाचा वाटा उचलला. त्यानेच ११ व्या षटकाच्या तिसऱ्या चेंडूवर विजयी धाव घेतली. कोलकाताने १०.३ षटकात ११४ धावांचं लक्ष्य पूर्ण करत तिसऱ्यांदा आयपीएलची ट्रॉफी उंचावली. इतकेच नाही, तर चेन्नईमध्ये त्यांनी २०१२ नंतर दुसऱ्यांदा आयपीएल जिंकले.
अंतिम सामन्यात वेंकटेश अय्यर २६ चेंडूत ५२ धावांवर नाबाद राहिला, तर श्रेयस अय्यर ६ धावांवर नाबाद राहिला.
कोलकाताला विजयासाठी अवध्या ११ धावांची गरज असताना गुरबाजला शाहबाद अहमदने ३९ धावांवर पायचीत केले.
हैदराबादच्या कर्णधारानं सुनिल नारायणला 6 धावांवर बाद करत केकेआरला पहिला धक्का दिला. मात्र पॉवर प्लेमधील केकेआरचा आक्रमकपणा कमी झाला नाही. त्यांनी 5 षटकात 1 बाद 52 धावा केल्या. व्यंकटेश अय्यरने 7 चेंडूत नाबाद 21 तर गुरबाजने 20 चेंडूत 20 धावा केल्या.
आंद्रे रसेलने पॅट कमिन्सला 24 धावांवर बाद करत हैदराबादचा डाव 113 धावात संपुष्टात आणला. हैदराबादने आयपीएल फायनलमध्ये सर्वात कमी धावा करण्याचा अप्रिय विक्रम आपल्या नावावर केला. रसेलने आपली तिसरी शिकार केली.
हर्षित राणाने हेन्री क्लासेनचा 16 धावांवर त्रिफळा उडवत हैदराबादला 90 धावांवर आठवा धक्का दिला. यामुळं हैदराबाद शंभरी तरी पार करणार का असा प्रश्न उपस्थित झाला आहे.
कोलकाता नाईट रायडर्सने सनराईजर्स हैदराबादची अवस्था 12 षटकात 7 बाद 77 धावा अशी केली.
हर्षित राणाने नितीश रेड्डीला बाद करत हैदराबादला चौथा धक्का दिला होता. त्यानंतर माक्ररम आणि क्लासेनने डाव सावरत संघाला 10 षटकात 60 धावा पार करून दिल्या. मात्र रसेलने माक्ररमला बाद करत हैदराबादला पाचवा धक्का दिला.
केकेआरच्या मिचेल स्टार्कने राहुल त्रिपाठीला 9 धावांवर बाद करत हैदराबादला पॉवर प्लेमध्येच तिसरा धक्का दिला. यामुळे हैदराबादची अवस्था 4.2 षटकात 3 बाद 21 धावा झाल्या होत्या.
वैभव अरोराने ट्रॅविस हेडला शुन्यावर बाद करत हैदराबादला दुसऱ्या षटकात दुसरा धक्का दिला. यामुळे हैदराबादची अवस्था 6 धावा अशी झाली.
मिचेल स्टार्कने पहिल्याच षटकात हैदराबादला पहिला धक्का दिला. त्याने अभिषेक शर्माचा 2 धावांवर त्रिफळा उडवला.
श्रेयस अय्यरने टॉस उडवला अन् कमिन्सनं टॉस जिंकला. हैदराबादने नाणेफेक जिंकून प्रथम फलंदाजी करण्याचा निर्णय घेतला. अय्यरने नाणेफेकीनंतर आम्ही जर नाणेफेक जिंकली असती तरी बॉलिंगच केली असती असं सांगितलं.
कोलकाता नाईट रायडर्स आणि हैदराबाद यांच्यातील हेड टू हेडमध्ये केकेआर फार पुढे आहे. केकेआरने आतापर्यंत हैदराबादविरूद्ध 18 सामने जिंकले आहेत. तर सनराईजर्स हैदराबादने केकेआरला फक्त 9 वेळा मात दिली आहे.
IPL 2024 Final Kolkata Knight Riders vs Sunrisers Hyderabad : कोलकाता नाईट रायडर्सने सनराईजर्स हैदराबादचा 8 विकेट्स राखून पराभव करत तिसऱ्यांदा आयपीएल ट्रॉफीवर नाव कोरलं. केकेआरने 2014 मध्ये आयपीएल ट्रॉफी जिंकली होती. त्यानंतर तब्बल 10 वर्षांनी केकेआरने आयपीएल जिंकली.
हैदराबादचे 113 धावांचे आव्हान केकेआरने 10.3 षटकात दोन फलंदाजांच्या मोबदल्यात पार केलं. केकेआरकडून व्यंकटेश अय्यरने नाबाद 26 चेंडूत 52 धावा केल्या. तर सलामीवीर गुरबाजने 39 धावांचे मोठे योगदान दिले.
कोलकाता नाईट रायडर्सने सनराईजर्स हैदराबादचा डाव 113 धावात गुंडाळला. केकेआरकडून आंद्रे रसेलने सर्वाधिक 3 विकेट्स घेतल्या तर मिचेल स्टार्क, हर्षित राणा यांनी प्रत्येकी 2 विकेट्स घेतल्या. वैभव अरोरा, चक्रवर्ती आणि नारायणने प्रत्येकी 1 विकेट घेत चांगली साथ दिली.
हैदराबादकडून कर्णधार पॅट कमिन्सने सर्वाधिक 24 धावा केल्या. माक्ररमने 20 तर त्याच्या खालोखाल हेन्री क्लासेनने 16 धावांचे योगदान दिलं. हैदराबादचे तब्बल सात फलंदाज दुहेरी आकडाही गाठू शकले नाहीत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.