Michael Clarke on Rohit Sharma
Michael Clarke on Rohit Sharmasakal

Rohit Sharma : फक्त क्रिकेट, क्रिकेट अन् क्रिकेट होतंय... रोहितला आता विश्रांतीची गरज; दिग्गज खेळाडूचं मोठं वक्तव्य

Michael Clarke on Rohit Sharma : ट्वेन्टी-२० विश्वकरंडक स्पर्धेस पूर्ण जोशात सज्ज होण्यासाठी रोहित शर्माला अल्प विश्रांतीची गरज आहे.

Michael Clarke on Rohit Sharma : ट्वेन्टी-२० विश्वकरंडक स्पर्धेस पूर्ण जोशात सज्ज होण्यासाठी रोहित शर्माला अल्प विश्रांतीची गरज आहे. सततच्या क्रिकेटमुळे त्याला मानसिक थकवा आलेला आहे, असे मत ऑस्ट्रेलियाचा माजी विश्वकरंडक विजेता कर्णधार मायकेल क्लार्क याने मांडले.

वानखेडे स्टेडियमवर चेन्नई सुपर किंग्जविरुद्धच्या सामन्यात १०५ धावांची खेळी केल्यानंतर रोहितच्या बॅटमधून धावांचा ओघ आटला आहे. पुढच्या सहापैकी दोनच सामन्यात त्याला दुहेरी धावसंख्या गाठता आलेली आहे.

Michael Clarke on Rohit Sharma
Sanju Samson Wicket Controversy : संजू सॅमसन OUT की NOT OUT? कॅचवरून पेटला वाद; सामन्यादरम्यान मैदानात राडा

आपल्या फॉर्मविषयी रोहितला निश्चितच चिंता असेल. माझ्या मते त्याला मानसिक थकवा आलेला असावा, त्यामुळे एकादा छोटासा ब्रेक त्याला पुन्हा ताजेतवाना करणारा ठरेल; परंतु तो मुंबई इंडियन्सचा महत्त्वाचा खेळाडू असल्यामुळे त्याला आयपीएलमधून विश्रांती मिळणे कठीण आहे, असेही क्लार्कने सांगितले.

इंग्लंडविरुद्ध पाच सामन्यांची मोठी कसोटी मालिका खेळल्यानंतर रोहित शर्मा आयपीएलमध्ये आत्तापर्यंत सलग १२ सामने खेळला आहे. सातत्याने एवढे क्रिकेट खेळल्यावर मानसिक थकवा येणे साहजिकच आहे, असे क्लार्क म्हणतो.

Michael Clarke on Rohit Sharma
Suryakumar Yadav : सूर्यकुमारने तिसऱ्या क्रमांकावर फलंदाजी करावी; ब्रायन लारा

आयपीएलमध्ये सध्या नवव्या क्रमांकावर असलेल्या मुंबई संघाचे अखेरचे दोन सामने शिल्लक आहेत. यातील त्यांचा अखेरचा सामना १७ मे रोजी होणार आहे. त्यामुळे विश्वकरंडक स्पर्धेची तयारी करण्यापूर्वी रोहित दोन-चार दिवसांसाठी क्रिकेटपासून दूर जाण्याची शक्यता आहे.

हार्दिक पंड्याबाबत बोलताना क्लार्क म्हणाला, गेल्या तीन सामन्यांपासून हार्दिक विकेट मिळवत आहे. त्यासाठी त्याने काही बदल केल्याचे जाणवत आहे. अष्टपैलू खेळाडूसाठी एका क्षेत्रात यश मिळाले की त्याचे रूपांतर दुसऱ्या क्षेत्रात आत्मविश्वास उंचावण्यात होत असतो. हार्दिकला सापडलेला फॉर्म भारतासाठी महत्त्वाचा ठरणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com