IPL 2022 : मोहम्मद शमी म्हणजे विल्यमसनचा कर्दनकाळ

मुंबई : आयपीएलच्या 40 व्या सामन्यात गुजरात टायटन्सने (Gujarat Titans) प्रथम गोलंदाजी करत पॉवर प्लेमध्येच सनाईजर्स हैदराबादला दोन धक्के दिले. मोहम्मद शामीने (Mohammed Shami) दमदार गोलंदाजी करत हैदराबादचा कर्णधार केन विल्यमसनला (Ken Williamson) 5 तर आक्रमक राहुल त्रिपाठीला 16 धावांवर बाद केले. विशेष म्हणजे केन विल्यमसनसाठी पुन्हा एकदा मोहम्मद शामी कर्दनकाळ ठरला आहे. शामीच्या या स्पेलमध्ये दोन विकेट घेत हैदराबादची पॉवर प्लेमध्येच अवस्था 2 बाद 44 धावा अशी केली.

विशेष म्हणजे मोहम्म शामीने केन विल्यमसनला टी 20 क्रिकेटमध्ये (T 20 Cricket) तब्बल पाचव्यांदा बाद केले आहे. या दोघांच्या रायव्हलरीमध्ये मोहम्मद शामीचे पारडे जड आहे. त्याने टी 20 क्रिकेटमध्ये आतापर्यंत विल्यमसनला 53 चेंडू टाकले आहेत. त्यात विल्यमसनला फक्त 70 धावा करण्यात यश आले आहे. तर मोहम्मद शामीने केन विल्यमसनला तब्बल 5 वेळा बाद केले आहे. केन विल्यमसनचे मोहम्मद शामीविरूद्ध स्ट्राईक रेट 132.07 इतके आहे.

दरम्यान, गुजरात टायटन्स विरूद्धच्या सामन्यात हैदराबादचे 44 धावांवर 2 विकेट गेल्यानंतर अभिषेक शर्मा (Abhishek Sharma) आणि एडिन माक्ररमने डाव सावरला. या दोघांनी तिसऱ्या विकेटसाठी 96 भागीदारी रचली. त्यामुळे हैदराबादने 15 व्या षटकात 140 धावांचा टप्पा पार केला होता. अभिषेक शर्माने 42 चेंडूत 65 धावांची खेळी केली. मात्र त्याला जोसेफने बाद करत ही जोडी फोडली.