Dhoni CSK IPL 2024 : धोनीची अखेरची आयपीएल ?

४२ वर्षे वय असलेला धोनी १५ ऑगस्ट २०२० मध्ये आंतरराष्ट्रीय क्रिकेटमधून निवृत्त झालेला आहे. त्यानंतर प्रत्येक आयपीएल त्याची अखेरची असल्याचे चित्र निर्माण होत होते; परंतु त्याबाबत विचारण्यात येणाऱ्या प्रश्नांना धोनी खुबीने उत्तरे देऊन अंदाज लागू देत नव्हता. आता नेतृत्वाचा बॅटन ऋतुराजकडे दिल्यामुळे धोनीची अखेरची आयपीएल असल्याची शक्यता आहे.

आयपीएलमधील यश

विजेतेपद : २०१०, २०११, २०१८, २०२१ आणि २०२३

गुडघा दुखावलेला असतानाही खेळला

गत स्पर्धेत धोनी गुडघा दुखावलेला असतानाही पूर्ण आयपीएल खेळला. त्यातच तो यष्टिरक्षणही करत होता; फलंदाजीच्या क्रमवारीत प्रसंगी तो आठव्या क्रमांकावर येत होता. आयपीएल संपल्यानंतर लगेचच त्याने मुंबईत येऊन गुडघ्यावर शस्त्रक्रिया केली होती.