RR vs RCB IPL 2024 : चौकार विजयाचा अन् पराभवाचाही... राजस्थानला घरच्या मैदानाचा फायदा होणार की आरसीबी मालिका खंडीत करणार?

RR vs RCB IPL 2024 : आयपीएल 2024 च्या 19 व्या सामन्यात आज राजस्थान रॉयल्स आणि रॉयल चॅलेंजर बंगळुरू यांच्यात सामना होत आहे. दोन रॉयल्सच्या या सामन्यात राजस्थान रॉयल्सचं पारडं जड आहे. त्यांनी आतापर्यंत सलग 3 सामन्यात विजय मिळवला आहे तर चार सामन्यात आरसीबीला 3 पराभवांना सामोरे जावे लागले आहे.

आजच्या सामन्यात जरी आरसीबी हरली तर ते पराभवाचा चौकार मारतील तर आरआरचा विजयाचा चौकार पूर्ण होईल. आरसीबी या सामन्यात आपल्या पराभवाची साखळी तोडणार का याकडे सर्वांचे लक्ष असणार आहे. विराटवर अवलंबून असलेल्या आरसीबीने सांघिक कामगिरी केली तर त्यांना विजय मिळवता येईल.

गुणतालिकेत कोण कोणत्या स्थानावर?

आयपीएलच्या गुणतालिकेत तीन पैकी तीन सामने जिंकून 6 गुणांसह राजस्थान रॉयल्स दुसऱ्या स्थानावर आहे. तर रॉयल चॅलेंजर बेंगळुरूने आतापर्यंत 4 सामने खेळले आहेत. त्यातील तीन सामन्यात त्यांचा पराभव झाल्याने ते 2 गुणांसह आठव्या स्थानावर आहेत. जरी आरसीबीने आजचा सामना जिंकला तरी त्यांच्या गुणतालिकेतील स्थानात फारसा फरक पडणार नाहीये.

दुसरीकडे राजस्थान रॉयल्सने आजचा सामना जिंकला तर ते विजयाचा चौकार मारतील अन् केकेआरला मागं टाकत गुणतालिकेत अव्वल स्थान पटकावतील.