Rajat Patidar | 'शतकवीर' रजत, सेहवाग - वॉटसनच्या यादीत दाखल | | Sakal
sakal

बोलून बातमी शोधा

Rajat Patidar Became A 5th Batsmen Who Score Century in Play Off knockouts In IPL

Rajat Patidar | 'शतकवीर' रजत, सेहवाग - वॉटसनच्या यादीत दाखल

कोलकाता : आयपीएलच्या एलिमनेटर सामन्यात पावसामुळे नाणेफेकीस उशीर झाला. नाणेफेक जिंकून लखनौ सुपर जायंटने प्रथम गोलंदाजी करण्याचा निर्णय घेतला. मात्र आरसीबीच्या रजत पाटीदारने (Rajat Patidar) चौफेर फटकेबाजी करत लखनौच्या गोलंदाजांना सळो की पळो करून सोडले. त्याने शतकी (Century) खेळी करत आरसीबीला 200 च्या घरात पोहचवले.

आरसीबीचे फाफ ड्युप्लेसिस, विराट कोहली (Virat Kohli), ग्लने मॅक्सवेल हे रथी महारथी स्वस्तात माघारी गेल्यानंतर रजत पाटीदारने एकट्याने आरसीबीच्या फलंदाजीचे शिवधनुष्य पेलले. विशेष म्हणजे रजत पाटीदार या शताकमुळे विरेंद्र सेहवाग आणि शेन वॉट्सन यांच्यासारख्या दिग्गज खेळाडूंच्या पंक्तीत जाऊन बसला. रजत पाटीदार प्ले ऑफमध्ये शतक करणारा पाचवा फलंदाज ठरला.

हेही वाचा: IPL Final : सांगता समारंभावर असणार धोनीच्या झारखंडची छाप

यापूर्वी प्ले ऑफमध्ये विरेंद्र सेहवागने चेन्नई सुपर किंग्जविरूद्ध 2014 ला क्वालिफायर 2 सामन्यात 122 धावा केल्या होत्या. तर शेन वॉट्सनने 2018 मध्ये हैदराबाद विरूद्ध फायनल सामन्यात 117 धावांची खेळी केली होती. याचबरोबर वृद्धीमान साहाने 2014 मध्ये केकेआर विरूद्ध फायनलमध्ये 115 धावांची खेळी केली. मुरली विजयने देखील 2012 ला दिल्ली कॅपिटल्स विरूद्ध 113 धावांची खेळी केली. आयपीएलच्या 15 व्या हंगामात रजत पाटीदारने लखनौ सुपरजायंट विरूद्ध नाबाद 112 धावा केल्या. तो प्ले ऑफमध्ये शतक ठोकणारा पाचवा फलंदाज ठरला. विशेष म्हणजे त्याने यंदाच्या हंगामातील सर्वात जलद शतक ठोकले. त्याने 49 चेंडूत शतक झळकावले.

हेही वाचा: Hardik Pandya | 'हार्दिक पांड्या हे नाव कायम विकलं जातं'

रजत पाटीदारबरोबरच दिनेश कार्तिकने देखील 23 चेंडूत 37 धावा चोपून आरसीबीला 207 धावांपर्यंत पोहचवले. रजत पाटीदारने 54 चेंडूत 112 धावा केल्या. याचबरोबर विराट कोहलीने 25 तर महिपाल लोमरोरने 14 धावांचे योगदान दिले. रजत पाटीदारने विराट कोहली बरोबर 66 तर दिनेश कार्तिक बरोबर पाचव्या विकेटसाठी 41 चेंडूत नाबाद 92 धावांची भागीदारी रचली.

Web Title: Rajat Patidar Became A 5th Batsmen Who Score Century In Play Off Knockouts In Ipl

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top