IPL 2023 : शेवटच्या षटकात शेवटच्या चेंडूवर... लखनौने RCBचा एका विकेटने केला पराभव

IPL 2023 : शेवटच्या षटकात शेवटच्या चेंडूवर... लखनौने RCBचा एका विकेटने केला पराभव

IPL 2023 RCB v LSG Score : लखनौ सुपर जायंट्सने रॉयल चॅलेंजर्स बंगळुरूचा एका विकेटने पराभव करत स्पर्धेत तिसरा विजय नोंदवला. या विजयासह हा संघ गुणतालिकेत अव्वल स्थानावर पोहोचला आहे. लखनौ सुपर जायंट्सने नाणेफेक जिंकून प्रथम गोलंदाजी करण्याचा निर्णय घेतला आणि आरसीबीने प्रथम फलंदाजी करताना लखनौसमोर २१३ धावांचे लक्ष्य ठेवले. प्रत्युत्तरात लखनौने नऊ गडी गमावून लक्ष्य गाठले.

RCB v LSG : सामन्यात मोठी उलथापालथ! पुरनने 15 चेंडूत ठोकल्या 50 धावा

निकोलस पूरनने 15 चेंडूत अर्धशतक पूर्ण केले. आयपीएल 2023 मधील हे सर्वात वेगवान अर्धशतक आहे. त्याने आपल्या खेळीत चार चौकार आणि सहा षटकार मारले आहेत. 15 षटकांनंतर लखनौची धावसंख्या पाच गड्यांच्या मोबदल्यात 171 अशी आहे. आता लखनौचा संघ सहज सामना जिंकू शकतो.

लखनौच्या धावसंख्येने 150 धावा ओलांडल्या

लखनौ सुपरजायंट्सच्या धावसंख्येने पाच विकेट गमावून 150 धावा केल्या आहेत.

 मार्कस स्टॉइनिसचे वादळ थांबले... लखनौला दोन षटकात दोन धक्के

लखनौ सुपरजायंट्सची चौथी विकेट 99 धावांवर पडली. मार्कस स्टॉइनिस 30 चेंडूत 65 धावा करून बाद झाला. कर्ण शर्माने त्याला शाहबाज अहमदकडे झेलबाद केले. स्टॉइनिसने आपल्या खेळीत सहा चौकार आणि पाच षटकार मारले. 105 धावांच्या स्कोअरवर लखनौ सुपरजायंट्सची पाचवी विकेट पडली. कर्णधार लोकेश राहुल 20 चेंडूत 18 धावा करून बाद झाला

मार्कस स्टॉइनिसचे अर्धशतक

मार्कस स्टॉइनिसने आपले अर्धशतक 25 चेंडूत पूर्ण केले आहे. त्याने आपल्या खेळीत सहा चौकार आणि चार षटकार मारले आहेत. त्याच्या या शानदार खेळीमुळे लखनौ संघाची धावसंख्या 100 धावांच्या जवळ पोहोचली आहे.

लखनौची तिसरी विकेट पडली

23 धावांच्या स्कोअरवर लखनौचा संघ तीन विकेट्स गमावून संकटात सापडला आहे. कृणाल पांड्या खाते न उघडता पॅव्हेलियनमध्ये परतला आहे. त्याने दोन चेंडूंचा सामना केला आणि यष्टीरक्षक दिनेश कार्तिकच्या हाती वेन पारनेलकरवी झेलबाद झाला. चार षटकांनंतर लखनौची धावसंख्या तीन बाद 23 अशी आहे.

RCB v LSG Live : लखनौची सुरुवात खराब! चार षटकार बसले दोन मोठे धक्के

213 धावांच्या लक्ष्याचा पाठलाग करताना लखनौची सुरुवात खराब झाली. एका धावेवर संघाची पहिली विकेट पडली. काइल मेयर्स खाते न उघडताच बाद झाला आहे. त्याने तीन चेंडूंचा सामना केला, मात्र त्याला खाते उघडता आले नाही. मोहम्मद सिराजने त्याला क्लीन बोल्ड केले. 23 धावांच्या स्कोअरवर लखनौच्या संघाची दुसरी विकेट पडली. दीपक हुडा 10 चेंडूत 9 धावा करून बाद झाला. वेन पारनेलने त्याला यष्टिरक्षक दिनेश कार्तिककरवी झेलबाद केले.

RCB v LSG Live : फक्त दोन विकेट... तीन अर्धशतक... अन् बेंगलोरने ठोकल्या 212 धावा

प्रथम फलंदाजी करताना रॉयल चॅलेंजर्स बंगळुरूने 2 बाद 212 धावा केल्या. बंगळुरूकडून विराट कोहलीने 44 चेंडूत 61, ग्लेन मॅक्सवेलने 29 चेंडूत 59 आणि कर्णधार फाफ डुप्लेसिसने 46 चेंडूत नाबाद 79 धावा केल्या. त्याचवेळी लखनौकडून मार्क वुड आणि अमित मिश्राने प्रत्येकी एक विकेट घेतली.

आरसीबीची पडली दुसरी विकेट

211 धावांवर आरसीबीची दुसरी विकेट पडली आहे. ग्लेन मॅक्सवेल 29 चेंडूत 59 धावा करून बाद झाला. या खेळीत त्याने सहा षटकार आणि तीन चौकार लगावले. मॅक्सवेलने डुप्लेसिससोबत दुसऱ्या विकेटसाठी शतकी भागीदारी केली. डावाच्या शेवटच्या षटकात मार्क वुडने त्याला क्लीन बोल्ड केले.

डुप्लेसी- मॅक्सवेलचा बंगळुरूमध्ये तांडव! कर्णधारने ठोकलं अर्धशतक

विराट कोहलीनंतर फाफ डुप्लेसिसनेही आपले अर्धशतक पूर्ण केले आहे. त्याने आतापर्यंत तीन षटकार आणि तीन चौकार मारले आहेत. त्याच्या या शानदार खेळीमुळे आरसीबीची धावसंख्या एका विकेटवर 150 धावांच्या जवळ पोहोचली आहे.

 बंगळुरूला मोठा धक्का! मिश्रा तात्याने विराट भाऊला पाठवले तंबूत

आरसीबीची पहिली विकेट 96 धावांवर पडली आहे. विराट कोहली 44 चेंडूत 66 धावा करून बाद झाला आहे. अमित मिश्राने त्याला बाद केले. आता ग्लेन मॅक्सवेल फॅफ डुप्लेसिससह क्रीजवर आहे. 12 षटकांनंतर आरसीबीची धावसंख्या एका विकेटवर 99 आहे.

RCB v LSG Live : बंगळुरूमध्ये कोहलीचा 'विराट' अवतार! ठोकले ताबडतोड अर्धशतक

विराट कोहलीने आयपीएलमधील 46 वे अर्धशतक पूर्ण केले आहे. त्याने 35 चेंडूत 50 धावा पूर्ण केल्या. कोहलीने आतापर्यंत चार चौकार आणि तीन षटकार मारले आहेत. त्याची कोहलीसोबत चांगली भागीदारी आहे. 10 षटकांनंतर आरसीबीची धावसंख्या बिनबाद 87 धावा आहे.

बंगळुरूची धावसंख्या ५० धावांच्या पुढे

विराट कोहली आणि फाफ डुप्लेसिस उत्कृष्ट लयीत खेळत आहेत. विशेषत: विराट कोहली वेगाने धावा करत आहे. बेंगळुरूची धावसंख्या 50 धावांचा टप्पा न गमावता पार झाली आहे. पॉवरप्लेमध्ये या संघाने एकही विकेट न गमावता 56 धावा केल्या आहेत. कोहली अर्धशतकाच्या जवळ आहे. त्याचबरोबर प्लेसिस सावधपणे खेळत आहे.

दोन्ही संघांचे प्लेइंग-11

  • रॉयल चॅलेंजर्स बंगळुरू : विराट कोहली, फाफ डू प्लेसिस (क), महिपाल लोमरर, ग्लेन मॅक्सवेल, शाहबाज अहमद, दिनेश कार्तिक (विकेटकीपर), अनुज रावत, डेव्हिड विली, वेन पारनेल, हर्षल पटेल, मोहम्मद सिराज.

  • लखनौ सुपर जायंट्स : केएल राहुल (क), काइल मेयर्स, दीपक हुडा, मार्कस स्टोइनिस, कृणाल पंड्या, निकोलस पूरन (विकेटकीपर), जयदेव उनाडकट, अमित मिश्रा, आवेश खान, मार्क वुड, रवी बिश्नोई.

IPL 2023: लखनौ सुपर जायंट्सने नाणेफेक जिंकून घेतला मोठा निर्णय

लखनौ सुपर जायंट्सने नाणेफेक जिंकून प्रथम गोलंदाजी करण्याचा निर्णय घेतला.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.