ऋषभ पंतने आवेश खानची कोलकात्यात पोहचताच का मागितली माफी? | Rishabh Pant Say Sorry to Avesh Khan | Sakal
sakal

बोलून बातमी शोधा

Rishabh Pant Say Sorry to Avesh Khan
ऋषभ पंतने आवेश खानची कोलकात्यात पोहचताच का मागितली माफी?

ऋषभ पंतने आवेश खानची कोलकात्यात पोहचताच का मागितली माफी?

नवी दिल्ली : वेगवान गोलंदाज आवेश खान (Avesh Khan) हा आयपीएल इतिहासात सर्वात महागडा अनकॅप्ड खेळाडू आहे. त्याला यंदाच्या आयपीएल लिलावात (IPL 2022 Auction) लखनौ सुपरजायंटने तब्बल 10 कोटी रूपयाला खरेदी केले. सध्या आवेश खान आपल्या आयुष्यातील पर्पल पॅच मधून जात आहे. त्याने गेल्या हंगामात दिल्ली कॅपिटल्सकडून (Delhi Capitals) दमदार कामगिरी केली होती.

हेही वाचा: IPL मधील बोलीपैकी किती रक्कम खेळाडूला मिळते?

ज्यावेळी बंगळूरमध्ये आयपीएल लिलाव (IPL Auction) सुरू होता त्यावेळी आवेश खान भारतीय संघासोबत प्रवास करत होता. ज्यावेळी लखनौ सुपरजायंटने आवेश खानला 10 कोटी रूपये देऊन विकत घेतले त्यावेळी संघातील काही खेळाडूंनी त्याचे अभिनंदन केले. मात्र कोलकातामध्ये पोहचताच दिल्ली कॅपिटल्सचा कर्णधार ऋषभ पंत (Rishabh Pant) आवेश खानला असे काही बोलला जे आवेश खानच्या कायम लक्षात राहणार.

एका मुलाखतीदरम्यान, आवेश खान म्हणाला की, ऋषभ पंत माझ्या जवळ आला आणि मला मिठी मारून सॉरी म्हणाला. तो आवेश खानला खरेदी करू शकला नाही, दिल्ली कॅपिटल्समध्ये परत आणू शकला नाही म्हणून त्याने आवेश खानला सॉरी म्हटले. आवेश खान याबाबत म्हणाला की, 'दिल्ली कॅपिटल्सकडे मोठी रक्कम शिल्लक नव्हती. तसेच त्यांना अजून बरेच खेळाडू खरेदी करायचे होते. दिल्लीने माझ्यासाठी 8.75 कोटी रूपयापर्यंत बोली लावली होती. मात्र अखेर लखनौने (LSG) बाजी मारली.'

हेही वाचा: विराट RCB च्या नाही तर PBKSच्या बालेकिल्ल्यात खेळणार 100 वी कसोटी

आवेश खान मध्यप्रदेशकडून खेळतो. त्याने सांगितले की त्याचे ऋषभ पंतबरोबरचे नाते खास आहे. आम्ही दोघे U19 क्रिकेट एकत्र खेळलो आहे. सामना झाल्यानंतर आम्ही एकमेकांसोबत खूप दंगामस्ती करतो. याचबरोबर रिकी पाँटिंग (Ricky Ponting) यांच्या कोचिंग टिप्स देखील मिस करणार असे आवेश खान म्हणाला. त्याने सांगितले की त्याचे दिल्ली कॅपिटल्स बरोबर एक वेगळेच नाते होते. आवेश खानने 2021 च्या आयपीएलमध्ये 16 सामन्यात 7.37 च्या सरासरीने 14 विकेट्स घेतल्या होत्या.

Web Title: Rishabh Pant Say Sorry To Avesh Khan After Lucknow Super Giant Brought Him In 10 Crore

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..