IPL 2022 | आंतरराष्ट्रीय नेतृत्वाचा ताण IPL मध्ये; आफ्रिकेच्या माजी खेळाडूचं रोहितबाबत वक्तव्य | Rohit sharma Update | Sakal
sakal

बोलून बातमी शोधा

Graeme Smith Rohit sharma Mumbai Indians Stress

आंतरराष्ट्रीय नेतृत्वाचा ताण IPL मध्ये; आफ्रिकेच्या माजी खेळाडूचं रोहितबाबत वक्तव्य

IPL 2022 : रोहित शर्माच्या नेतृत्वात मुंबई इंडियन्सने सर्वाधिक ५ वेळा आयपीएल करंडक जिंकण्याची करामत करून दाखवली. मात्र यंदा त्यांची गाडी घसरली आहे. याप्रसंगी दक्षिण आफ्रिकन क्रिकेट संघाचा माजी कर्णधार ग्रॅमी स्मिथ याने, रोहित सध्या कसोटी, एकदिवसीय तसेच टी-२० या भारताच्या तिन्ही प्रकारच्या संघाचे नेतृत्व करत आहे. त्याचा मानसिक ताण रोहितवर आला असून याचे पडसाद आयपीएलमध्ये मुंबई इंडियन्सचे कर्णधारपद भूषवताना दिसून येत आहेत, असे स्पष्ट मत व्यक्त केले.(IPL 2022 News)

हेही वाचा: संपलं! सूर्यकुमार यादव बाद झाल्यानं आकाश अंबानी निराश: पाहा व्हायरल फोटो....

रोहित सलामीला फलंदाजीला येतो. ज्या लढतींत तो धावा करतो, त्या लढतींमध्ये मुंबई इंडियन्सचा संघ जिंकतो. मात्र भारतीय वन डे व टी-२० संघाचे पूर्ण वेळ नेतृत्व मिळाल्यानंतर तो पहिल्यांदाच आयपीएलमध्ये मुंबई इंडियन्सचे कर्णधारपद भूषवत आहे. त्यामुळे त्याच्यावर दबाव येत तर नाही ना, याचा विचार करावा लागणार आहे, असेही स्मिथ म्हणाला.(Rohit sharma Update)

हेही वाचा: IPL 2022: 'कॅमेरामनने बनवले 'या' मुलीचे करियर; RCB गर्ल रातोरात झाली स्टार

मुंबईची फलंदाजी भक्कम

स्मिथ म्हणाला, मुंबई इंडियन्सकडे एकापेक्षा एक अव्वल दर्जाचे फलंदाज आहेत. रोहित सध्या फॉर्मसाठी झगडतोय, पण इशान किशनच्या बॅटमधून छान धावा निघत आहेत. सूर्यकुमार यादवकडूनही जबरदस्त फलंदाजी होत आहे. डीवाल्ड ब्रेवीससारखा युवा गुणवत्ताप्रधान फलंदाज या संघात आहे. कायरॉन पोलार्ड सर्वोत्तम फिनिशर आहे. म्हणजेच मुंबई इंडियन्सची फलंदाजी भक्कम आहे.

Web Title: Rohit Sharma Mumbai Indians Stress Graeme Smith Ipl 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top