'कॅप्टन' हार्दिक पांड्याने आश्चर्याचा धक्का दिला : मांजरेकर | Sanjay Manjrekar Statement About Hardik Pandya | Sakal
sakal

बोलून बातमी शोधा

Sanjay Manjrekar Statement About Hardik Pandya Captaincy

'कॅप्टन' हार्दिक पांड्याने आश्चर्याचा धक्का दिला : मांजरेकर

अहमदाबाद : भारताचे माजी खेळाडू आणि समालोचक संजय मांजरेकर (Sanjay Manjrekar) आयपीएलच्या 15 व्या हंगामाबाबत (IPL 2022) आपले मत व्यक्त केले. ते राजस्थान रॉयल्स (RR) आणि रॉयल चॅलेंजर बेंगलोर (RCB) यांच्यात होणाऱ्या दुसऱ्या क्वालिफायर सामन्याबाबतही बोलले. तसेच टी 20 वर्ल्डकप बाबतही त्यांनी आपले मत व्यक्त केले. संजय मांजरेकर यांनी आयपीएल फालनमध्ये पोहचलेल्या गुजरात टायटन्सचा (Gujarat Titans) कर्णधार हार्दिक पांड्या (Hardik Pandya) भारतीय टी 20 संघाचे नेतृत्व करू शकेल का याबद्दल देखील वक्तव्य केले.

हेही वाचा: 'माझ्याकडेच बघणार की बॉल देखील टाकणार?' किस्सा धोनीचा

संजय मांजरेकर हार्दिक पांड्याबद्दल बोलताना म्हणाले की, 'हार्दिक पांड्याने आपल्या सर्वांनाच आश्चर्याचा धक्का दिला. गुजरात टायटन्सचे नेतृत्व करताना त्याने दाखवून दिले की तो किती सहजरित्या नेतृत्व करू शकतो.' मांजरेकर पुढे म्हणाले की, 'जर तुम्ही आयपीएलमध्ये संघाचे नेतृत्व करू शकता तर तुम्ही टीम इंडियाचे नेतृत्व देखील करू शकता.' मांजरेकरांच्या मते आयपीएलमध्ये दबाव आणि सर्वस्व पणाला लागलेलं असतं. त्यामुळे कर्णधाराला प्रचंड दबावाला सामोरे जावे लागते.

हेही वाचा: शोएब अख्तर म्हणतो; विराटला आणखी घसरण पाहू शकत नाही

मांजरेकर म्हणाले, 'यंदाची आयपीएल ही एकाच गोष्टामुळे स्मरणात राहिल ती म्हणजे गुणवत्ता. फारसे चर्चेत नसलेल्या खेळाडूंनी चांगल्या गुणवत्तेचा खेळ केला. यंदाच्या हंगामात मोठ्या नावांनी नाही तर या जास्त प्रसिद्ध नसलेल्या खेळाडूंनी आयपीएलचा दर्जा खालावू दिला नाही. त्यांनी मोठ्या सामन्यात मोठे खेळाडू चालतात हा गैरसमज दूर केला.'

Web Title: Sanjay Manjrekar Statement About Hardik Pandya Captaincy In Ipl 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top