हैदराबादने आरसीबीचा 'वेगवान गोलंदाज' लावला गळाला | Sunrisers Hyderabad Replaced RCB net Bowler Sushant Mishra | Sakal
sakal

बोलून बातमी शोधा

Sunrisers Hyderabad Replaced RCB net Bowler Sushant Mishra

हैदराबादने आरसीबीचा 'वेगवान गोलंदाज' लावला गळाला

मुंबई : आयपीएलचा (IPL 2022) 50 वा सामना आज सनराईजर्स हैदराबाद (Sunrisers Hyderabad) आणि दिल्ली कॅपिटल्स (Delhi Capitals) यांच्यात होत आहे. दरम्यान, सामन्यापूर्वीच हैदराबादने आपल्या संघात एक नवीन खेळाडू घेतला. हैदराबादने सुशांत मिश्रा (Sushant Mishra) या वेगावान गोलंदाजाला संघात स्थान दिले आहे. सौभर दुबे (Saurabh Dubey) हा दुखापतग्रस्त झाल्याने त्याच्या जागी सुशांतला संधी मिळाली आहे. सुशांत मिश्रा हा यापूर्वीही आयपीएलशी जोडला गेला होता. तो यापूर्वी रॉयल चॅलेंजर बेंगलोरसाठी नेट बॉलिंग करायचा.

हेही वाचा: तुझमें रब दिखता है! सचिन नव्हे तर बाबर आझमचा क्रिकेटमध्ये वेगळाच देव

प्रियाम गर्ग ज्यावेळी भारतीय 19 वर्षाखालील संघाचे नेतृत्व करत होता त्यावेळी सुशांत हा त्या संघाचाही एक भाग होता. दरम्यान, सनराईजर्स हैदराबादने बुधावारी अधिकृत घोषणा केली की दुबे हा पाठीच्या दुखापतीमुळे आयपीएल सोडत आहे. विशेष म्हणजे दुबे अजूनपर्यंत एकाही सामन्यात खेळला नव्हता.

हेही वाचा: पृथ्वी शॉच्या नव्या घराचे फोटो पाहिले का? किंमत ऐकून व्हाल थक्क

दिल्ली कॅपिटल्स आणि सनराईजर्स हैदराबाद यांच्यात होणारा सामना खूप महत्वाचा आहे. आजच्या सामन्यात जर दिल्ली पराभूत झाली तर त्यांच्यासाठी इथून पुढचा प्ले ऑफचा प्रवास अत्यंत खडतर होणार आहे. तर हैदराबादने आजचा सामना जिंकला तर ते प्ले ऑफच्या अगदी जवळ पोहचतील. हैदाराबादने आतापर्यंत झालेल्या 9 सामन्यातील 5 सामने जिंकून 10 गुणांसह गुणतकालित पाचव्या स्थानावर आहे. तर दिल्लीने 9 सामन्यातील 4 सामने जिंकले आहेत. ते 8 गुणांसह सातव्या स्थानावर आहे.

त्यामुळेच ब्रेबॉर्नवर होणारा आजचा सामना हा दोन्ही संघासाठी फार महत्वाचा ठरणार आहे. ब्रेबॉर्नची विकेट सहसा फलंदाजीसाठी चांगली असते. मात्र आयपीएलचे बरेच सामने या मैदानावर झाले असल्याने खेळपट्टी फिरकीला साथ देण्याची शक्यता आहे. आतापर्यंत सर्व संघ नाणेफेक जिंकून प्रथम गोलंदाजी करण्याचा निर्णय घेत आहेत.

Web Title: Sunrisers Hyderabad Replaced Rcb Net Bowler Sushant Mishra With Injured Sourabh Dube

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top