Team India Squad T20 WC24 : राजधानीत वादळ! 8 षटकार 5 चौकाराचा कमाल, टी-20 वर्ल्ड कपसाठी 'या' खेळाडूचे अमेरिकेचे तिकीट बुक

Team India Squad T20 World Cup 2024 : बुधवारी झालेल्या आयपीएल सामन्यात दिल्ली कॅपिटल्सने गुजरात टायटन्सचा 4 धावांनी पराभव केला.
Team India Squad T20 World Cup 2024 Rishabh Pant News Marathi
Team India Squad T20 World Cup 2024 Rishabh Pant News Marathisakal

Team India Squad T20 World Cup 2024 Rishabh Pant : बुधवारी झालेल्या आयपीएल सामन्यात दिल्ली कॅपिटल्सने गुजरात टायटन्सचा 4 धावांनी पराभव केला. दिल्ली कॅपिटल्सच्या या विजयात त्याचा कर्णधार ऋषभ पंतचा मोठा वाटा होता.

दिल्लीतील अरुण जेटली स्टेडियमवर खेळल्या गेलेल्या या सामन्यात ऋषभ पंतच्या धमाकेदार फलंदाजीचा झंझावात पाहायला मिळाला. गुजरात टायटन्सविरुद्धच्या या सामन्यात ऋषभ पंतने कर्णधारपदाची खेळी खेळताना झंझावाती खेळी करताना 43 चेंडूत 88 धावा केल्या. ऋषभ पंतने आपल्या खेळीत 5 चौकार आणि 8 षटकार मारले. आणि टी-20 वर्ल्ड कपसाठी दावेदारी ठोकली.

Team India Squad T20 World Cup 2024 Rishabh Pant News Marathi
IPL 2024 Playoffs Scenario : दिल्लीच्या आशा जिवंत! प्लेऑफचे समीकरण पुन्हा बदललं; 'हे' संघ बाहेर

राजधानीत ऋषभ पंतचे वादळ...!

ऋषभ पंतने दिल्ली कॅपिटल्सच्या विजयात महत्त्वाची भूमिका बजावली. या सामन्यात 88 धावांची नाबाद खेळी खेळण्यासोबतच ऋषभ पंतने विकेटच्या मागे 2 शानदार झेलही घेतले. ऋषभ पंतला त्याच्या चमकदार कामगिरीसाठी 'मॅन ऑफ द मॅच' म्हणूनही निवडण्यात आले.

या सामन्यात ऋषभ पंतने एका दगडात दोन पक्षी मारले. एक म्हणजे ऋषभ पंतने केवळ दिल्ली कॅपिटल्सला विजय मिळवून दिला. आणि दुसरी म्हणजे टी-20 वर्ल्ड कप स्पर्धेत निवडीसाठी आपला दावाही मजबूत केला आहे. वेस्ट इंडिज आणि अमेरिकेच्या भूमीवर 2024 टी-20 वर्ल्ड कप होणार आहे. आयसीसीचा हा मेगा इव्हेंट 1 जून ते 29 जून दरम्यान खेळला जाणार आहे.

Team India Squad T20 World Cup 2024 Rishabh Pant News Marathi
14 कोटीच्या खेळाडूने CSK ची वाढवली डोकेदुखी, लखनौविरुद्धच्या पराभवानंतर कोच स्पष्ट बोलला

डिसेंबर 2022 मध्ये झालेल्या भीषण कार अपघातात जखमी झाल्यानंतर ऋषभ पंतने आयपीएल 2024 मध्ये करिष्माई पुनरागमन केले. ऋषभ पंत आयपीएल 2024 मध्ये त्याच जुन्या टचमध्ये दिसत आहे. तो या हंगामात चौकार आणि षटकारांचा पाऊस पाडत आहे. ऋषभ पंतने आतापर्यंत आयपीएल 2024 च्या नऊ सामन्यांमध्ये 161.32 च्या स्ट्राइक रेटने 342 धावा केल्या आहेत. ऋषभ पंतने आयपीएल 2024 मध्ये 3 अर्धशतके झळकावली आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com