Mumbai Indians star pacer rejoining team : इंडियन प्रीमिअर लीग २०२५ मधून चेन्नई सुपर किंग्स, राजस्थान रॉयल्स, सनरायझर्स हैदराबाद आदी संघांचे आव्हान संपुष्टात आले आहे. प्ले ऑफच्या शर्यतीत लखनौ सुपर जायंट्स, गतविजेता कोलकाता नाइट रायडर्स आणि दिल्ली कॅपिटल्स हे काठावर आहेत. गुजरात टायटन्स व रॉयल चॅलेंजर्स बंगळुरू यांना प्रत्येकी १ विजय पुरेसा आहे. तेच पंजाब किंग्स व मुंबई इंडियन्स यांना अजून जोर लावावा लागणार आहे. मुंबईने पहिल्या ५ सामन्यांत फक्त १ विजय मिळवला होता, परंतु त्यांनी पुढील सहा सामने जिंकून प्ले ऑफच्या शर्यतीत मोठी झेप घेतली. आता ते १४ गुणांसह चौथ्या क्रमांकावर आहेत, पंरतु एक चूक त्यांना महागात पडू शकते. अशात त्यांच्या मदतीला प्रमुख खेळाडू धावला आहे.
