'चीटर-चीटर'; लाइव्ह मॅचमध्ये अंपायरच्या निर्णयावरुन पब्लिक आक्रमक, IPL 2022 Video | Sakal
sakal

बोलून बातमी शोधा

dc vs rr match details

'चीटर-चीटर'; लाइव्ह मॅचमध्ये अंपायरच्या निर्णयावरुन पब्लिक आक्रमक, पाहा व्हिडिओ

IPL 2022 : आयपीएलच्या 34 व्या सामना (शुक्रवारी) दिल्ली कॅपिटल्स (Delhi Capitals) राजस्थान रॉयल्स (Rajasthan Royals) यांच्यात सामना खेळला गेला. जो राजस्थान रॉयल्सने (RR) 15 धावांनी जिंकला. या अतिशय रोमांचक सामन्यादरम्यान हाय व्होल्टेज ड्रामाही पाहायला मिळाला. त्यानंतर आता सोशल मीडियावर चाहते मैदानावरील पंचाच्या चुकीच्या निर्णयाचा निषेध करत आहे. यासंबंधीचा एक व्हिडिओही सोशल मीडियावर चांगलाच व्हायरल होत आहे. ज्यामध्ये चाहते वानखेडे स्टेडियमवर चीटर-चीटर घोषणा करताना दिसत आहे.(DC vs RR Match Details)

दिल्ली कॅपिटल्सला सामन्याच्या शेवटच्या षटकात विजयासाठी 36 धावांची गरज होती. डीसीसाठी रोव्हमन पॉवेल आणि कुलदीप यादव मैदानावर फलंदाजी करत होते. तर राजस्थान रॉयल्ससाठी ओबेड मैकॉय हे षटक टाकण्यासाठी आला होता. रोव्हमन पॉवेलने या षटकाच्या पहिल्या तीन चेंडूंवर तीन षटकार ठोकले, पण ओबेड मैकॉयचा तिसरा चेंडू फलंदाजाच्या कमरेच्या वर होता. मात्र असे असतानाही मैदानावरील पंचांनी चेंडूवर नो बॉल दिला नाही.

हेही वाचा: मिल्नेने IPL सोडली; CSK ने 'छोटा मलिंगा'ला केले पाचारण

अंपायरच्या निर्णयामुळे संतप्त झालेल्या DC कॅप्टनने थेट सामन्यातच आपल्या खेळाडूंना परत बोलावण्याचे संकेत दिले, त्यानंतर पुन्हा एकदा गर्मा गर्मी सामना सुरू झाला. पंच आणि खेळाडूंनी कसेतरी कर्णधाराची समजूत घातली, मात्र तिथे बसलेली जनता पंचांच्या निर्णयाला सतत विरोध करताना दिसली आणि यादरम्यान त्यांनी चीटर-चीटरच्या घोषणाही दिल्या. आता याच घटनेचा व्हिडिओ सोशल मीडियावर व्हायरल होत आहे.

हेही वाचा: IPL 2022: एमएस धोनीचा 51 वा षटकार; जडेजा ने ठोकला सलाम

DC ने हा सामना 15 धावांनी हरला, पण जर अंपायरने आपल्या निर्णयाचा विचार केला असता तर सामन्याचा निकाल कुठेतरी बदलू शकला असता. अंपायरच्या निर्णयावर चाहत्यांची नाराजी सोशल मीडियावरही दिसून येत आहे, तर डीसी कर्णधार पंतने थेट सामन्यादरम्यानच आपला विरोध व्यक्त केला आहे. अशा स्थितीत आता बीसीसीआय या घटनेवर पंचांवर काही कारवाई करते की नाही, हे पाहणे योग्य ठरेल.

Web Title: Watch Crowd Cheater Cheater After Umpire Decision Dc Vs Rr Match Details Cricket News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top