IPL 2025 final weather forecast for Narendra Modi Stadium : पंजाब किंग्स आणि रॉयल चॅलेंजर्स बंगळुरू यांच्यात इंडियन प्रीमिअर लीग २०२५ ची फायनल ३ जून रोजी अहमदाबादच्या नरेंद्र मोदी स्टेडियमवर होणार आहे. RCB ने क्वालिफायर १ मध्ये PBKS चा पराभव केला होता आणि पंजाब त्याची परतफेड फायनलमध्ये करण्यासाठी उत्सुक आहे. काल क्वालिफायर २ चा सामना पावसामुळे मध्यरात्री अडीच वाजेपर्यंत लांबला आणि फायनलवरही पावसाचे सावट आहे. क्वालिफायर २ साठी राखीव दिवस नव्हता, परंतु फायनलसाठी राखीव दिवस आहे. पण, पावसामुळे राखीव दिवसही वाया गेला तर कोणाला जेतेपदाची ट्रॉफी मिळणार?