IPL Aucion 2022: हा पठ्ठ्या कोटीत खेळणार, पहा Video

आयपीएल 2022 चा लिलाव (IPL Mega Aucion 2022) येत्या 12 आणि 13 फेब्रुवारीला बंगळुरूमध्ये होणार आहे. आयपीएलच्या जुन्या 8 आणि नव्या 2 संघांनी आपली 4 खेळाडूंना रिटेन्शन / कराबद्ध प्रक्रिया पूर्ण केली आहे. तर बीसीसीआयने देखील 590 खेळाडूंची शॉर्टलिस्ट प्रक्रिया देखील पूर्ण केली आहे. आता फ्रेंचायजी कोणत्या खेळाडूला आपल्या गोटात ओढायचे याची रणनीती आखण्यात व्यग्र झाले आहेत. याच दरम्यान, वेस्ट इंडीजमधून एक खेळाडूने या सर्वांचे लक्ष आपल्याकडे खेचले. या खेळाडूचे नाव आहे यश धुल (Yash Dhull).

वेस्ट इंडीजमध्ये सुरू असलेल्या 19 वर्षाखालील वर्ल्डकपमध्ये (ICC U19 World Cup 2022) भारताने ऑस्ट्रेलियालाचा ९६ धावांनी पराभव केला. भारताचा कर्णधार यश धुलने या सामन्यात दैदिप्यमान कामगिरी केली. प्रथम फलंदाजी करताना भारताने ऑस्ट्रेलियाच्या भेदक माऱ्यासमोर २९० धावा उभारल्या. त्यात कर्णधार यश धुलचा (Yash Dhull Batting) मोठा वाटा होता. त्याने चौथ्या क्रमांकावर फलंदाजीला येत 110 चेंडूत 110 धावांची खेळी केली. या खेळीत त्याने 10 चौकार आणि 1 षटकार मारला.

यशने जरी आपल्या डावात फक्त एकच षटकार (Yash Dhull Six) मारला असला तरी तो त्याने ज्या प्रकारे मारला तो वाखाण्याजोगा होता. त्याने उंचपुऱ्या ऑस्ट्रेलियन वेगवान गोलंदाजाला पुढे सरसावत षटकार खेचला. त्याच्या या षटकाराचा व्हिडिओ आयसीसीने (ICC) आपल्या इन्स्टाग्राम अकाऊंटवर शेअर केला.

हा व्हिडिओ पाहिल्यानंतर आगामी आयपीएल लिलावात बऱ्याच फ्रेंचायजी या यश धुलवर बोली लावण्यास सरसावतील यात शंका नाही. त्यामुळे त्याची बेस प्राईस जरी 20 लाख असली तरी तो कोटीच्या कोटी उड्डाणे घेण्याची शक्यता नाकारता येत नाही.