अँडरसन! सचिन तेंडुलकरनंतर खास पराक्रम करणारा एकमेव 'हिरा' | James Anderson Record | Sakal
sakal

बोलून बातमी शोधा

 James Anderson and Sachin Tendulkar

अँडरसन! सचिन तेंडुलकरनंतर खास पराक्रम करणारा एकमेव 'हिरा'

ऑस्ट्रेलिया विरुद्धच्या दुसऱ्या कसोटी सामन्यात मैदानात उतरताच जेम्स अँडरसन याने खास विक्रमाला गवसणी घातली.

Australia vs England, 4th Test James Anderson Record : ऑस्ट्रेलिया आणि इंग्लंड यांच्यातील चौथा कसोटी सामना सिडनीच्या मैदानात सुरु आहे. The Ashes, 2021-22 च्या प्रतिष्ठित मालिकेतील सलग तीन विजयासह यजमान ऑस्ट्रेलियाने मालिका खिशात घातली आहे. उर्वरित दोन सामन्यात उरली सुरली अब्रु राखण्याचे मोठे आव्हान इंग्लंडसमोर आहे. एका बाजूला इंग्लंडला या दौऱ्यात मानहानिकारक पराभवाला जायला लागले असताना दुसऱ्या बाजूला इंग्लंडच्या अनुभवी जलदगती गोलंदाजाने खास विक्रम आपल्या नावे केला आहे. (James Anderson Record second most capped player in Test history after Sachin Tendulkar)

ऑस्ट्रेलिया विरुद्धच्या दुसऱ्या कसोटी सामन्यात मैदानात उतरताच जेम्स अँडरसन (James Anderson ) हा सर्वाधिक कसोटी सामना खेळणाऱ्या खेळाडूंच्या यादीत दुसऱ्या क्रमांकावर पोहचला. त्याच्या पुढे आता केवळ भारताचा माजी क्रिकेटर सचिन तेंडुलकरच आहे. मास्टर ब्लास्टर सचिन तेंडुलकरने (Sachin Tendulkar ) 200 कसोटी सामने खेळले आहेत. जेम्स अँडरसनचा हा 179 वा सामना आहे. गोलंदाज असून त्याने हा मैलाचा पल्ला गाठून दाखवलाय हे विशेषच.

हेही वाचा: VIDEO : 'लॉर्ड' टोपण नाव कधी पडलं; शार्दुल ठाकूरनं सांगितला किस्सा

ऑस्ट्रेलिया विरुद्धच्या सामन्यात अँडरसनने पहिल्या दिवशी एक विकेट घेतली. या विकेटसह त्याच्या खात्यात आतापर्यंत कसोटीत 640 विकेट्सची नोंद झालीये. कसोटीमध्ये सर्वाधिक विकेट घेणारा तो जलदगती गोलंदाज आहे. ऑलओव्हर विचार केल्यास कसोटीमध्ये सर्वाधिक विकेट्सचा विक्रम हा श्रीलंकन दिग्गज मुथय्या मुरलीधरनच्या नावे आहे.

हेही वाचा: हीच ती वेळ! पुजाराला संधी द्या, पण अजिंक्यला बाहेर बसवा : गंभीर

मुरलीधरनने 133 सामन्यातील 230 डावात 800 विकेट घेतल्या होत्या. त्याच्यापाठोपाठ दुसरे नावही फिरकीपटूचेच आहे. ऑस्ट्रेलियन शेन वॉर्ननं 145 कसोटी सामन्यातील 273 डावात 708 विकेट घेतल्या आहेत. या दिग्गजापाठोपाठ अँडरसन तिसऱ्या क्रमांकावर आहे. त्याने आतापर्यंत 169 सामन्यातील 313 डावात 640 विकेट्स घेतल्या आहेत. 600 + विकेट घेणारा तो एकमेव जलदगती गोलंदाज आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top