Jay Shah Trolled : 'पप्पांना सांग चांगला नागरिक होण्यासाठी तिरंगा फडकवण्याची गरज नाही' | Sakal
sakal

बोलून बातमी शोधा

Jay Shah Trolled

Jay Shah Trolled : 'पप्पांना सांग चांगला नागरिक होण्यासाठी तिरंगा फडकवण्याची गरज नाही'

Jay Shah Trolled Asia Cup 2022 India Vs Pakistan : आशिया कपच्या हाय व्होल्टेज सामन्यात भारताने पाकिस्तानचा 5 गडी राखून पराभव केला. शेवटच्या षटकापर्यंत रंगतदार झालेल्या सामन्यात हार्दिक पांड्याने भारताला 3 चेंडूत 6 धावांची गरज असताना षटकार मारून सामना जिंकून दिला. यानंतर दुबई आंतरराष्ट्रीय स्टेडियममध्ये एकच जल्लोष सुरू झाला. भारताचे चाहते या विजयाचे सेलिब्रेशन हातात तिरंगा घेऊन करत होते.

बीसीसीआय सचिन आणि देशाचे गृहमंत्री (अमित शाह) यांचा मुलगा जय शाह यांनी भारत पाकिस्तान सामन्यादरम्यान तिरंगा हातात फडकावण्यास नकार दिला. हार्दिक पांड्याने निर्णायक षटकार बॅटमधून आल्यानंतर ही घटना घडली. भारतीय संघाच्या विजयानंतर एक व्यक्ती जय शाहला तिरंगा फडकवण्यासाठी हातवारे करत असल्याचे व्हिडिओमध्ये दिसत आहे, मात्र जय शाहने ध्वज हातात धरण्यास नकार दिला आहे.

हेही वाचा: Hardik Pandya : चार वर्षांपूर्वी ज्या मैदानावर स्ट्रेचरवरून बाहेर गेला पांड्याने तेच मैदान गाजवले

जय शाहच्या व्हायरल व्हिडिओवर सोशल मीडियावर चाहत्यांच्या प्रतिक्रिया पाहायला मिळत आहेत. जय शाहला तिरंगा फडकवण्याची अॅलर्जी आहे का असा सवाल एका यूजरने केला. आणखी एका युजरने लिहिले की, "जय शाहने आपल्या वडिलांना सांगावे की राष्ट्रध्वज फडकावणे किंवा राष्ट्रगीतावर उभे राहणे हे देशभक्तीचे लक्षण नाही. अशा अनेक प्रतिक्रिया उमटत आहेत.

हेही वाचा: Sharad Pawar : पाकिस्तानच्या पराभवानंतर शरद पवारांचा जल्लोष, Video होतोय व्हायरल

सोशल मीडियावर एक गट देखील आहे जो जय शाहचा बचाव करताना दिसत आहे. जय शाहच्या समर्थकांचे म्हणणे आहे की तो आशियाई क्रिकेट परिषदेचा सदस्य आहे, त्यामुळे तो कोणत्याही एका देशाचे समर्थन करू शकत नाही. यामुळे त्यांनी तिरंगा उचलण्यास नकार दिला. आशिया चषकाच्या सामन्यात भारताने पाकिस्तानला हरवून स्पर्धेची सुरुवात विजयाने केली होती, मात्र या सामन्यात भारत आणि पाकिस्तान या दोन्ही संघांकडून दमदार खेळ पाहायला मिळाला नाही. पाकिस्तानचा माजी वेगवान गोलंदाज शोएब अख्तरने या कारणावरून नाराजी व्यक्त केली आहे.

हेही वाचा: Video | Jay Shah : बीसीसीआय अध्यक्ष जय शहांनी तिरंगा हातात घेण्यास दिला नकार

Web Title: Jay Shah Refuses To Hold The Indian Flag Fans Reaction India Vs Pakistan Asia Cup Cricket

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..