Asian Games 2023 : बॉक्सर लवलिनाची फायनलमध्ये धडक; रूपेरी झळाळीनंतर आता 'गोल्डन' कामगिरीची अपेक्षा

Asian Games 2023 : भारताच्या महिला बॉक्सर्सनी आज एशियन गेम्सच्या 10 व्या दिवशी दमदार कामगिरी केली. प्रिती पवारच्या कांस्य पदकानंतर अनुभवी आणि ऑलिम्पिक पदक विजेत्या लवलिना बोरगोहेनने 75 किलो वजनी गटात अंतिम फेरीत धडक मारली. तिने रौप्य पदक निश्चित केले असून तिच्याकडून आता गोल्डची अपेक्षा आहे.

भारताची ऑलिम्पिक पदक विजेती लवलिना बोरगोहेनने एशियन गेम्समध्ये देखील आपला जवला दाखवला. तिने 75 किलो वजनीगटात अंतिम फेरीत धडक मारली आहे. तिने थायलंडच्या मनिकोन बायसनचा 5 - 0 असा पराभव केला.

भारताने एशियन गेम्स 2023 मध्ये आज 10 व्या दिवशी देखील पदकांचा धडाका कायम ठेवला आहे. भारताने नौकानयन 1000 मीटर कॅनोई क्रीडाप्रकारात कांस्य पदक पटकावले. भारताच्या अर्जुन सिंह आणि सुनिल सिंह या जोडीने 3.53.329 वेळ नोंदवत पदकावर कब्जा केला.

याचबरोबर भारताने आर्चरीमध्ये देखील दोन पदके निश्चित केली आहेत. महिला कापाऊंड वैयक्तिक स्पर्धेत भारताच्या आदिती स्वामी आणि ज्योती सुरेखा यांनी सेमी फायनल गाठली. या दोघींमध्ये होणाऱ्या सेमी फायनलमध्ये जो जिंकेल तो अंतिम फेरीत प्रवेश करेल.

(Sports Latest News)