IPL 2022 : लखनौच्या राहुलचा 'या' आफ्रिकी खेळाडूंवर डोळा

नवी दिल्ली : दक्षिण आफ्रिका दौरा संपतो ना संपतो तोच भारतात आयपीएलच्या १५ (IPL 2022) व्या हंगामाची जोरदार तयारी सुरू झाली आहे. आयपीएल २०२२ साठी येत्या फेब्रुवारी महिन्यात १२ आणि १३ तारखेला मेगा ऑक्शन (IPL Mega Auction) होणार आहे. विशेष म्हणजे यंदाच्या हंगामापासून आयपीएलमध्ये ८ नाही तर १० संघ असणार आहेत. लखनौ सुपर जायंट (Lucknow Super Giants) आणि अहमदाबाद या दोन नव्या संघाचा समावेश होणार आहे. लखनौ सुपर जायंटचे नेतृत्व केएल राहुल (KL Rahul) करणार आहे. नुकत्याच झालेल्या दक्षिण आफ्रिका दौऱ्यावर राहुलने एका कसोटीत आणि तीन सामन्यांच्या एकदिवसीय मालिकेत भारतीय संघाचे नेतृत्व केले होते. यात दरम्यान, राहुलने आपल्या लखनौ संघासाठी काही दक्षिण आफ्रिकी खेळाडू देखील हेरून ठेवले. (Lucknow Super Giants Captain KL Rahul eye On Three South African Player In IPL 2022 Auction)

लखनौ सुपर जायंटचा कर्णधार केएल राहुलने दक्षिण आफ्रिकेच्या कसिगो रबाडाचे (Kagiso Rabada) तोंडभरून कौतुक केले आहे. रबाडा सारखा गोलंदाज आपल्या संघात असावा असे कोणत्याही संघाला वाटेल. आयपीएलमध्ये दिल्लीसाठी रबाडाने चांगली कामगिरी केली होती. तो १४५ किमी वेगाने गोलंदाजी करतो आणि स्मार्ट गोलंदाज आहे.'

याच बरोबर केएल राहुलने २१ वर्षाच्या मार्को जानसेन (Marco Jansen) आणि रासी वॅन डुसेन (Rassie van der Dussen) यांचेही कौतुक केले. कसोटी मालिकेदरम्यान आम्ही जानसेनबद्दल ड्रेसिंग रूममध्ये चर्चा केल्याचे राहुलने सांगितले. तो म्हणाला की, 'जानसेनने आयपीएलमध्ये (Indian Premier League) मुंबईसाठी काही सामने खेळले आहेत. आता त्यांची गुणवत्ता दिसून येत आहे. कसोटी मालिकेत केलेल्या कामगिरीनंतर त्याच्याबद्दलचा लोकांचा दृष्टीकोण बदलला आहे. आगामी काळात तो आंतरराष्ट्रीय स्तरावर चांगली कामगिरी करताना दिसेल.'

लखनौचा कर्णधार (Lucknow Captain) केएल राहुलच्या बोलण्यावरून या तीन दक्षिण आफ्रिकी खेळाडूंबद्दल तो उत्सुक असल्याचे दिसते. त्यामुळे लखनौ सुपर जायंट आयपीएलच्या मेगा ऑक्शनमध्ये या तीन खेळाडूंवर बोली लावण्याची शक्यता आहे.