Mitchell Starc : मानलं स्टार्क! डाव्या हाताचे बोट झालं रक्तबंबाळ तरीही देशासाठी लढतोय

Mitchell Starc Bowling With Bleeding Finger : भारत आणि ऑस्ट्रेलिया यांच्यातील तिसऱ्या कसोटीत दुसऱ्या दिवशी भारताने आपला दुसरा डाव खेळण्यास सुरूवात केली. ऑस्ट्रेलियाने पहिल्या डावात 88 धावांची आघाडी घेतली होती. मात्र दुसऱ्या डावात भारताने आपल्या फलंदाजीत सुधारणा करत धावा करण्यास सुरूवात केली. याचवेळी ऑस्ट्रेलियाचा वेगवान गोलंदाज मिचेल स्टार्क आपल्या संघासाठी आपल्या दुखापतीची परवा न करता भिडताना दिसला.

ऑस्ट्रेलियाचा कर्णधार पॅट कमिन्स आई अजारी असल्यामुळे मायदेशात परतला. त्यामुळे ऑस्ट्रेलियाच्या वेगवान गोलंदाजीचा धुरा डावखुऱ्या मिचेल स्टार्कवर खांद्यावर आली होती. त्याने ही जबाबदारी दुसऱ्या डावात चांगल्या प्रकारे निभावली. त्याने संघासाठी डोकेदुखी ठरू लागलेल्या श्रेयस अय्यरला बाद करत भारताला मोठा धक्का देखील दिला.

विशेष म्हणजे मिचेल स्टार्क ज्या डाव्या हाताने गोलंदाजी करतो त्याच हाताच्या बोटाला दुखापत झाली होती. त्याच्या बोटातून रक्त येऊ लागले होते. भारताचा दुसरा डाव सुरू झाल्यानंतर गोलंदाजी करताना स्टार्कच्या बोटातून रक्त येताना दिसत होता. या व्हिडिओत स्टार्क आपले रक्त पँटला पुसत असल्याचे दिसते. या व्हिडिओत स्टार्कला वेदना होत असतानाही दिसत आहे.

मात्र स्टार्कने अशा परिस्थितीतही षटकाचा सहावा चेंडू टाकला. बोटातून रक्त येत असतानाही स्टार्कने मैदान सोडले नाही. त्याने आपली जबाबदारी पूर्ण केली.

सामन्याबद्दल बोलायचे झाले तर भारताने दुसऱ्या डावात आक्रमक फलंदाजी करत शतकी मजल मारली. चेतेश्वर पुजाराने एकाकी झुंज देत संघाला आघाडी मिळवून दिली. त्याला श्रेयस अय्यरने 26 धावांची खेळी केली.

(Sports Latest News)

हेही वाचा : कॅशबॅक किंवा खरेदीवर सूट मिळणारंच कार्ड निवडा...