Anshul Jubli : अंशुल जुबलीने इतिहास रचला; UFC स्पर्धा जिंकत करार खिशात टाकणारा ठरला पहिला भारतीय

Ultimate Fighting Championship Anshul Jubli : MMA फायटर अंशुल जुबलीने रविवारी इतिहास रचला. तो UFC करार मिळवणारा भारतातील दुसरा मार्शल आर्टिस्ट ठरला. अंशुलने रोड टू यूएफसी फायनलमध्ये इंडोनेशियाच्या जेका सारगीहचा पराभव करून चॅम्पियनशिपचा लाइटवेट विभागातील (Ultimate Fighting Championship) करार मिळवला.

अंशुल जुबली याला 'किंग ऑफ लायन्स' म्हणूनही ओळखले जाते. तो मूळ उत्तरकाशी जवळील भटवारी गावचे रहिवासी आहेत आणि सीमा सुरक्षा दलाच्या (BSF) निवृत्त अधिकाऱ्याचा मुलगा आहे. वडिलांच्या बदलीमुळे त्यांचे बालपण वेगवेगळ्या राज्यात गेले. प्रदीर्घ काळ स्थलांतरानंतर त्यांचे कुटुंब अखेरीस डेहराडूनमध्ये स्थायिक झाले. 2015 मध्ये जेव्हा त्याच्या मित्राच्या मोठ्या भावाने त्याला मिक्स्ड मार्शल आर्ट्स आणि UFC मध्ये दाखवले होते.

2017 मध्ये अंशुल जुबली आणि The Better India यांच्यातील मुलाखतीनुसार, त्याच्या CDS आणि SSB परीक्षांच्या तयारीदरम्यान, तो फिरास जहाबी, एक प्रसिद्ध MMA प्रशिक्षक आणि जॉन डॅनहेर, एक अत्यंत प्रतिष्ठित BJJ आणि MMA प्रशिक्षक यांचे YouTube व्हिडिओ पाहण्यास सुरुवात केली.

व्हिडिओत दिलेल्या सूचनांचे अनुकरण करून, अंशुल आणि त्याचा मित्र या हालचालींची नक्कल करण्याचा प्रयत्न करत होते. आसपास कोणतेही MMA प्रशिक्षण केंद्र नसल्यामुळे, डेहराडूनमध्ये MMA ला करिअर बनवण्याचा विचार करणे खरोखर कठीण होते.

दिल्लीत, त्याचा आणखी एक मित्र होता ज्याने त्याला क्रॉसस्ट्रेन फाईट क्लब (CFC), एक मिश्रित-मार्शल-आर्ट (MMA) क्लबबद्दल माहिती दिली जिथे भारतातील काही शीर्ष व्यावसायिक लढवय्ये आपली कौशल्ये सुधारण्यासाठी उपस्थित असतात.

भारत कंडारे नंतर UFC रोस्टरमध्ये प्रवेश करणारा अंशुल हा दुसरा भारतीय नागरिक बनला. एवढेच नाही तर UFC स्पर्धेत विजय मिळवणारा पहिला भारतीय ठरला आहे. याचबरोबर आशियाबाहेर झालेल्या मोठ्या व्यावसायिक MMA लढतीत विजय मिळवणारा पहिला भारतीय ठरला आहे.

(Sports Latest News)

हेही वाचा : अंतरंगातून परमेश्वरापर्यंत भक्तिभाव थेट पोहोचवणारा वेदान्त आश्रम