Ind vs Aus : शमीऐवजी 'या' खेळाडूला संधी, तीन वर्षांपासून खेळला नाही T20 सामना! | Sakal
sakal

बोलून बातमी शोधा

Mohammed Shami Covid-19 positive Umesh Yadav named as replacement

Ind vs Aus : शमीऐवजी 'या' खेळाडूला संधी, तीन वर्षांपासून खेळला नाही T20 सामना!

India vs Australia Mohammed Shami Replacement : ऑस्ट्रेलियाविरुद्ध तीन सामन्यांची टी-20 मालिका सुरू होण्यापूर्वीच भारतीय संघाला मोठा धक्का बसला आहे. अनुभवी वेगवान गोलंदाज मोहम्मद शमी कोरोना पॉझिटिव्ह आला आहे. या कारणामुळे तो मोहालीला आला नाही. जिथे 20 सप्टेंबरपासून तीन सामन्यांची टी-20 मालिका खेळवला जाणार आहे. आता भारतीय क्रिकेट नियामक मंडळाने (BCCI) त्याच्या बदली खेळाडूचा शोध सुरू केला आहे.

हेही वाचा: Mohammed Shami : T-20 मालिकेपूर्वी भारताला मोठा धक्का, मोहम्मद शमीला कोरोनाची लागण

भारत आणि ऑस्ट्रेलिया यांच्यातील टी-20 मालिकेतील पहिला सामना 20 सप्टेंबर रोजी मोहाली येथे खेळला जाणार आहे. अॅरॉन फिंचच्या नेतृत्वाखाली ऑस्ट्रेलियन संघ मोहालीत पोहोचला असून त्यांनी सरावही सुरू केला आहे. क्रिकबझ वेबसाइटनुसार, कोविड-19 पॉझिटिव्ह आढळल्यामुळे शमीला ऑस्ट्रेलियाविरुद्धच्या संपूर्ण टी-20 मालिकेतून वगळण्यात आले आहे.

हेही वाचा: Shubman Gill : शुभमन गिल देणार गुजरात टायटन्सला सोडचिठ्ठी; CSK शी नवा घरोबा?

आशिया कप-2022 मध्ये भारतीय संघाची कामगिरी अपेक्षेप्रमाणे झाली नाही. अशा परिस्थितीत ऑस्ट्रेलियाविरुद्ध होणाऱ्या टी-20 मालिकेत चुका सुधाराव्यात अशी बीसीसीआयची इच्छा आहे. बोर्डाच्या सूत्रांच्या हवाल्याने वृत्तात म्हटले आहे की, उमेश आता तंदुरुस्त आहे. त्याला मोहालीत भारतीय संघात सामील होण्यास सांगण्यात आले आहे. आशिया चषकातील पराभवानंतर निवडकर्त्यांना संघात अनुभवी खेळाडू हवा आहे.

हेही वाचा: Jhulan Goswami : झुलनला विजयी निरोप देण्यासाठी भारतीय महिला संघ सज्ज

मोहम्मद शमी कोरोना पॉझिटिव्ह आल्यामुळे भारतीय संघात वेगवान गोलंदाज उमेश यादवचा समावेश केला जाऊ शकतो. उमेश यादव गेल्या तीन वर्षांपासून टी-20 आंतरराष्ट्रीय सामने खेळलेला नाही. विशाखापट्टणम येथे फेब्रुवारी 2019 मध्ये त्याने शेवटचा टी-20 सामना खेळला होता. या वर्षी जानेवारीमध्ये तो शेवटचा कसोटी जर्सीमध्ये दिसला होता.

देशांतर्गत क्रिकेटमध्ये विदर्भाचे प्रतिनिधित्व करणाऱ्या उमेश यादवने भारतासाठी केवळ सात टी-२० सामने खेळले आहेत. या कालावधीत त्याने 9 विकेट घेतल्या आहेत. त्याच्या नावावर कसोटीत 158 आणि एकदिवसीय क्रिकेटमध्ये 106 विकेट्स आहेत.

Web Title: Mohammed Shami Covid 19 Positive Umesh Yadav Named As Replacement India Vs Australia Mohali T20i Cricket

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..