अझरुद्दीनने शिवी दिली आणि सिद्धू इंग्लंड दौरा निम्म्यात टाकून परत आला

काँग्रेस नेते नवज्योत सिंग सिद्धू (Navjot Singh Sidhu) यांना ३४ वर्षे जुन्या रोड रेज प्रकरणी सर्वोच्च न्यायालयाकडून (Supreme Court on Navjot Singh Sidhu) मोठा झटका बसला. या प्रकरणी सर्वोच्च न्यायालयाने सिद्धू यांना १ वर्ष सश्रम कारावासाची शिक्षा सुनावली आहे. सिद्धूच्या या घटनेनंतर त्याचे अनेक जुने वाद समोर येऊ लागले आहेत.

सिद्धूंची ही बंडखोर शैली पहिल्यांदाच समोर आलीय असं नाही. क्रिकेट राजकारण ते टीव्हिच्या स्क्रिनवर सिद्धी अनेकदा वादाच्या भोवऱ्यात दिसला आहे. राजकारणी सिद्धूची क्रिकेट जगतातली वादाची किस्से अनेक आहेत. सिद्धून भर मैदानात बंड पुकारले होते. त्याने अर्धवट दौरा सोडत मायदेशी परतला होता.

ही घटना 1996 मधील आहे. तेव्हा टीम इंडिया इंग्लंड दौऱ्यावर गेली होती. त्यावेळी टीम इंडियाला इंग्लंडविरुद्ध तीन कसोटी सामने खेळायचे होते. मोहम्मद अझरुद्धीन टीम इंडियाचे नेतृत्व करत होता. तर इंग्लंड संघाची कमान मायकल एथरटनकडे होती. या दौऱ्यात सिद्धूला ओपनर म्हणून खेळवण्यात येणार होतं.

पहिला कसोट सामना एजबॅस्टन मैदानावर खेळला गेला, ज्यामध्ये सिद्धू 11 मध्ये स्थान मिळाले नव्हते. पण या सामन्यानंतर सिद्धू कोणालाही काहीही न बोलता इंग्लंडहून थेट भारतात परतला. मात्र, सिद्धू तडकाफडकी का गेला हे कोणालाच कळलं नाही. त्यावेळी बीसीसीआयने या प्रकरणाची समिती स्थापन करत चौकशी केली. त्यामध्ये कर्णधार मोहम्मद अझरुद्धीनने सर्वांसमोर अपशब्द वापरला असल्याने सिद्धू तीव्र नाराज झाला होता. त्यामुळे तो मायदेशी परतला होता.