Cheating in Asian Games : चीनचा 'रडीचा डाव', नीरज चोप्रासोबत केली चिटींग; पहिल्या थ्रोला नेमकं काय घडलं?

Neeraj Chopra Javelin Throw: सध्या आशियाई क्रीडा स्पर्धेत भारतीय खेळाडू आपला जोर दाखवत आहेत. चीनच्या हँगझाऊ शहरात या स्पर्धा पार पडत आहेत. बुधवारी (४ ऑक्टोबर) नीरज चोप्राने पुन्हा भालाफेकीत आपली कमाल दाखवली. आशियाई क्रीडा स्पर्धांमध्ये चीनची कुरापतखोरी आणि खोडसाळपणा पुन्हा दिसला.

नीरज चोप्रा जेव्हा आपल्या भालाफेकीचा पहिला प्रयत्न करण्यासाठी उतरला तेव्हा त्याच्यावर अन्याय झाल्याचं बघायला मिळालं. त्याने आपल्या पहिल्या प्रयत्नात जवळपास ८७ मीटरचा थ्रो केला. मात्र,त्यानंतर पंचांनी थोडा वेळ घेतला.

त्यानंतर असं सांगण्यात आलं की, तांत्रिक अडचणीमुळे त्याचा हा थ्रो मोजला जाऊ शकला नाही. मात्र, मार्किंग लाईनवरुन स्पष्ट दिसत होतं ही, त्याचा थ्रो ८५ मीटरपेक्षा जास्त अंतरावर गेला आहे. त्यानंतर त्याला पहिला थ्रो पुन्हा फेकायला लावला. त्याने या थ्रोमध्ये ८४ मीटरचं गाठलं. भालाफेकीचा इवेंट सुरु होण्याआधी देखील पंचांकडून दिरंगाई करण्यात आली होती.

भालाफेकीच्या या इवेंटमध्ये भारताचा दुसरा खेळाडू जेना किशोर कुमार याने देखील सहभाग घेतला आहे. त्याने देखील आपल्या पहिल्या फेकीत ८१.२६ मीटरचा थ्रो केला होता. त्यामुळे भारताला सुवर्ण आणि रौप्य पदक मिळण्याची दाट शक्यता आहे.