India vs New Zealand : नव्या वर्षात न्यूझीलंड भारतात येणार; जाणून घ्या कधी अन् कोठे होणार सामने

India vs New Zealand Series Schedule : भारताचा बांगलादेश दौऱ्या संपतोय न संपतोय तोच अजून एका दौऱ्याची घोषणा झाली आहे. न्यूझीलंडचा संघ भारत दौरा करणार आहे. टी 20 वर्ल्डकपनंतर भारताने लेगेचच न्यूझीलंड दौऱ्या केला होता. आता न्यूझीलंड भारतात येणार आहे. या दौऱ्याची सुरूवात 18 जानेवारीपासून होणार आहे. या दौऱ्यावर न्यूझीलंड संघ 3 वनडे आणि 3 टी 20 सामन्यांची मालिका खेळणार आहे.

न्यूझीलंडचा भारत दौरा हा वनडे मालिकेने सुरू होईल. यातील पहिला सामना 18 जानेवारीला होणार आहे. हा सामना हैदराबद येथे होणार असून दुसरा वनडे सामना 21 जानेवारीला रायपूरमध्ये होणार आहे. तर तिसरा इंदूर येथे 24 जानेवारीला होणार आहे. न्यूझीलंडने तीन वनडे सामन्यांची मालिका खेळण्यालानंतर तीन सामन्यांची टी 20 मालिका 27 जानेवारीपासून सुरू होईल. तर दुसरा 29 जानेवारीला दुसरा आणि 1 फेब्रुवारीला मालिकेतील शेवटचा सामना होणार आहे.

न्यूझीलंडच्या भारत दौऱ्याचे पूर्ण शेड्युल

वनडे मालिका

पहिला वनडे सामना 18 जानेवारी, हैदराबाद

दुसरा वनडे सामना 21 जानेवारी, रायपूर

तिसरा वनडे सामना 24 जानेवारी, इंदूर

टी 20 वर्ल्डकप

पहिला टी 20 सामना 27 जानेवारी, रांची

दुसरा टी 20 सामना 29 जानेवारी, लखनौ

तिसरा टी 20 सामना 1 फेब्रुवारी, अहमदाबाद

भारताने केला होता न्यूझीलंडचा दौरा

भारताने टी 20 वर्ल्डकप मालिकेनंतर लगेचच न्यूझीलंडचा दौरा केला होता. यात तीन सामन्यांची टी 20 आणि तीन सामन्यांची वनडे मालिका खेळली होती. भारताने टी 20 मालिका आपल्या नावावर केली. मात्र वनडे सामन्यात यजमान न्यूझीलंडने भारताला मात दिली. या दोन्ही मालिकेत पावसाने खूपवेळा व्यत्यय आणला. आता न्यूझीलंड भारत दौऱ्यावर येणार आहे. त्यामुळे दोन्ही संघ कशी कामगिरी करतात याची उस्तुकता असेल.