CWG 2022: बॉक्सर निखत जरीनकडून भारताला सुवर्ण पदकाची आशा
Nikhat Zareen Commonweatlh Games : जागतिक चॅम्पियन निखत जरीन व टोकियो ऑलिंपिक ब्राँझपदक विजेत्या लोवलीना बागेहिन यांनी आपापल्या सामन्यांत विजय मिळवून येथे चालू असलेल्या राष्ट्रकुल क्रीडा स्पर्धांमधील बॉक्सिंग यातील महिला गटात उपांत्यपूर्व फेरीत प्रवेश केला. निखतने ५० किलो वजनी गटाच्या सामन्यात मोझांबिकच्या हेलेना इस्माईल बागाओला पराभूत केले; तर लोवलीनाने ७० किलो वजनी गटाच्या लढतीत एरियाना निकोल्सचा ५-० असा पराभव करत स्पर्धेत आगेकूच केली.
भारताच्या शिवा थापाला मात्र ६३.५ किलो वजनी गटाच्या अंतिम १६ फेरीच्या सामन्यात स्कॉटलंडच्या रीस लिंचकडून १-४ असा पराभव पत्करावा लागला, ज्यामुळे त्याचे या स्पर्धेतील आव्हान संपुष्टात आले. तसेच ९२ किलोंच्या हेवीवेट गटात बॉक्सर संजीतचेही सोमोआच्या आटो लिओ प्लॉडझिकीकडून पराभूत झाल्यामुळे स्पर्धेतील आव्हान संपुष्टात आले.
निर्धार सुवर्णपदकाचा
झरीनला उपांत्यपूर्व फेरीत न्यूझीलंडच्या ट्रॉय गार्टनचे आव्हान असेल. "मी पुढील फेरीत आणखी चांगली कामगिरी करण्यास उत्सुक आहे. आता पदकापासून फक्त एक लढत दूर आहे, पण मी येथे सुवर्ण जिंकण्याचा निर्धार करून आलेले आहे," असे निखतने म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.