Pak vs Wi: पाकच्या उपकर्णधार शादाबचा 'शानदार' कॅच; Video होतोय व्हायरल

PAK vs WI : पाकिस्तान आणि वेस्ट इंडिज यांच्या मध्ये 3 सामन्यांच्या मालिकेतील पहिला सामना काल खेळल्या गेला. पाकिस्तानने वेस्ट इंडिजचा 5 गडी राखून पराभव करत मालिकेत विजयाने सुरुवात केली. वेस्ट इंडिजने प्रथम फलंदाजी करताना 305 धावा केल्या. पाकिस्तानकडून कर्णधार बाबर आझमने शतक झळकावत संघला ५ विकेट्सने विजय मिळवून दिला. पाकिस्तानचा उपकर्णधार शादाब खानने सामन्यात आपल्या क्षेत्ररक्षणाने सर्वांचे लक्ष वेधून घेतले. शादाबने एक अप्रतिम झेल घेतला आणि अखेरीस तो सामन्याचा टर्निंग पॉइंट ठरला. (Shadab Khan Amazing Catch)

वेस्ट इंडिजचा कर्णधार निकोलस पूरनने नाणेफेक जिंकून फलंदाजीचा निर्णय घेतला. सलामीवीर फलंदाज काइल मेयर्स हा डावखुरा वेगवान गोलंदाज शाहीन आफ्रिदीचा बळी ठरला तो 8 चेंडूत 3 धावा करू शकला. विंडीज संघाला पहिला धक्का तिसऱ्या षटकात बसला. त्यामुळे संघाची सुरुवात चांगली झाली नाही. शाई होप आणि शेमराह ब्रूक्स यांनी दुसऱ्या विकेटसाठी 154 धावांची मोठी भागीदारी करत मोठ्या धावसंख्येचा पाया रचला.

पाकिस्तान डावखुरा फिरकी गोलंदाज गोलंदाज मोहम्मद नवाज यांनी वेस्ट इंडिजच्या डावातील 31 वे षटक टाकत होता. च्या चेंडूवर ब्रुक्सने मोठा फटका मारण्याच्या नादात चेंडू बॅटला लागला आणि शॉर्ट थर्ड मॅनकडे गेला. येथे उभ्या असलेल्या शादाब खानने धावत एका हाताने अप्रतिम झेल घेतला. ब्रुक्स 83 चेंडूत 70 धावा करून बाद झाला. तो बाद झाल्यानंतर अन्य कोणत्याही फलंदाजाला मोठी खेळी करता आली नाही. सलामीवीर शाई होपने 127 धावा केल्या. वेगवान गोलंदाज हारिस रौफने ७७ धावांत सर्वाधिक ५ बळी घेतले.

पाकिस्तानकडून बाबर आझमने 107 चेंडूत 103 धावा केल्या, आणि सलग तिसऱ्या वनडेत त्याने शतक झळकावले. यष्टिरक्षक फलंदाज मोहम्मद रिझवाननेही ५९ धावा केल्या. शेवटी खुशदिल शाहने 23 चेंडूत 41 धावा करत विजय निश्‍चित केला. मालिकेतील दुसरा सामना 10 जून रोजी होणार आहे.