Sydney Thunder vs Adelaide Strikers, 32nd Match: बिग बॅश लीग 2021-22 (BBL 2021-22) हंगामात पाकिस्तानी जलदगती गोलंदाज मोहम्मद हसनैन (Mohammad Hasnain) याने कमालीचे पदार्पण केले. बीबीएलच्या पदार्पणाच्या सामन्यात पहिल्याच षटकात त्याने 3 विकेट घेतल्या. एडिलेड स्ट्रायकर्स (Adelaide Strikers) विरुद्धच्या सामन्यात हसनैन याने सिडनी थंडर (Sydney Thunder) कडून बिग बॅश लीगमध्ये पदार्पण केले.
हसनैन याने डावातील तिसऱ्या आणि आपल्या वैयक्तिक तिसऱ्या षटकात आपल्या गोलंदाजीतील धार दाखवून दिली. आपल्या पहिल्या ओव्हरमधील दुसऱ्या, तिसऱ्या आणि पाचव्या चेंडूवर त्याने विकेट घेतल्या. 4 चेंडूत 3 विकेट घेत त्याने सर्वांचे लक्ष वेधून घेतले आहे.
त्याच्या दमदार पदार्पणावर ऑस्ट्रेलियन क्रिकेटर बेन कटिंगची पत्नी आणि मॉडेल Erin Holland देखील फिदा झालीये. एरिन हॉलँड (Erin Holland) हिने ट्विटच्यामाध्यमातून पाकिस्तानी गोलंदाजावर कौतुकाचा वर्षाव केलाय. 'जबरदस्त, मोहम्मद हसनैन. पाकिस्तानी गोलंदाजाची BBL मध्ये धमाकेदार एन्ट्री असा उल्लेख करत तिने खास ट्विट केले आहे. तिचे हे ट्विट तुफान व्हायरल होत आहे. यावर अनेक रिअ‍ॅक्शन उमटत आहेत.
हसनैन याने अविस्मरणीय षटकात मॅथ्यू शॉर्ट, जेक वेदराल्ड आणि जोनाथन वेल्स यांची विकेट घेतली. एकही धाव न खर्च करता या तिघांना त्याने तंबूत धाडले. सिडनी थंडरने निर्धारित 20 षटकात 7 बाद 172 धावा केल्या होत्या. धावांचा पाठलाग करताना एडिलेड स्ट्रायकर्सनं 20 षटकात 144 धावांपर्यंतच मजल मारता आली. त्यांना 28 धावांनी पराभवाचा सामना करावा लागला.
कोण आहे बेन कटिंगची पत्नी
ऑस्ट्रेलियन अष्टपैलू बेन कटिंग यांची पत्नी एरिन ही माजी विश्वसुंदरी आहे. 7 क्रिकेट, आयपीएल पीसीएल या स्पर्धेत ती प्रेंझेंटेशच्या भूमिकेतही दिसते. फेब्रुवारी 2021 मध्ये बेन कटिंग आणि एरिन यांचा विवाह पार पडला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
