Rajeev Shukla Betting : 'बेटिंग अ‍ॅप टॅलेंटला प्रोत्साहन देत आहेत पण...' बीसीसीआयचे उपाध्यक्ष राजीव शुक्ला हे काय म्हणाले?

Rajeev Shukla BCCI Betting : भारतात सध्या क्रिकेट बेटिंग अॅपचा सुळसुळात झाला आहे. भारताचा सामना असेल त्यावेळी क्रिकेट चाहते सामन्याचा आनंद लुटण्याऐवजी बेटिंग अॅपवरील आपला संघ आणि लावलेला पैसा याबाबतच जास्त चिंतेत असतात. मध्यंतरी सरकारने हस्तक्षेप करत या बेटिंग अॅपला लगाम लावण्याचा प्रयत्न केला.

बीसीसीआयने तर एका बेटिंग अॅपला आपला मध्ये प्रायोजकच केलं आहे. एक बेटिंग अॅप बीसीसीआयचे स्पॉन्सर असल्यानंतर त्यांच्यावर टीका होणं सहाजिकच आहे. भारतात बेटिंग कायदेशीर करावं की नको यावरून चर्चा सुरू असते. दरम्यान, बीसीसीआयचे उपाध्यक्ष राजीव शुक्ला यांनी या बेटिंग अॅपबाबत एक मोठं वक्तव्य केलं.

यूट्यूबवरील प्रसिद्ध चॅनल अनफिल्टर्ड बाय समधीशने राजीव शुक्ला यांना बेटिंग अॅपबाबत बीसीसीआयचे काय मत आहे असं विचारलं. त्यावेळी राजीव शुक्ला यांनी बेटिंग अॅपबद्दल आपले मत व्यक्त केलं.

राजीव शुक्ला म्हणाले की, 'जोपर्यंत ही बेटिंग अॅप लोकांमधील टॅलेंटला प्रोत्साहन देत आहेत तोपर्यंत ठीक आहे. मात्र काही अॅप हे बेटिंगकडे झुकले आहेत. मग गडबड आहे.'

यानंतर समधीशने राजीव शुक्लांना इंग्लंडमध्ये बेटिंग हे कायदेशील करण्यात आलं आहे भारतात देखील भविष्यात बेटिंगला कायदेशील मान्यता मिळेल का असं विचारलं.

त्यावर शुक्ला म्हणाले की, 'आम्हाला एकाच गोष्टीची चिंता असते की मॅच फिक्सिंग होऊ नये. बेटिंग तर तुम्ही थांबवू शकत नाही. हापूरमध्ये लोकं पाऊस पडणार की नाही याच्यावर बेटिंग करत असतात.'

(Sports Latest News)