WTC Point Table : दक्षिण आफ्रिकेने एकाच फाईटमध्ये वातावरण केलं टाईट, भारताची झाली मोठी घसरण

WTC Point Table : आयसीसी वर्ल्डकप टेस्ट चॅम्पियनशिप 2023 - 25 ची सुरूवात झाली असून हे त्याचे तिसरे सत्र आहे. पहिल्या सत्रात न्यूझीलंड आणि दुसऱ्या सत्रात ऑस्ट्रेलिया विजेते झाले होते. या दोन्ही फायनलमध्ये दुसरा संघ हा भारताचा होता. अॅशेस 2023 ने वर्ल्ड टेस्ट चॅम्पियशिपची सुरूवात झाली होती.

भारतीय संघाने यंदाच्या WTC स्पर्धेतील पहिली मालिका 1 - 0 ने जिंकली. तर पाकिस्तानने श्रीलंकेला 2 - 0 ने पराभूत केलं. भारताने दुसऱ्या मालिकेतील पहिला सामना गमवला आहे. दक्षिण आफ्रिकेने भारताला एक डाव आणि 32 धावांनी पराभूत केलं. यामुळे ते WTC पॉईंट टेबलमध्ये अव्वल स्थानावर पोहचला आहे.

आफ्रिकेने आतापर्यंत एक सामना खेळला आहे. त्या तविजय मिळवत त्यांनी 12 गुण घेतले आहेत. मात्र त्यांचे विनिंग पर्सेंटेज हे शंभर टक्के असल्याने ते अव्वल स्थानावर पोहचले आहे.

या यादीत दुसऱ्या स्थानावर पाकिस्तानचा संघ आहे त्यांनी 3 सामन्यातील 2 सामने जिंकले असून एका सामन्यात पराभव झाला आहे. ते 22 गुण आणि 61.11 विनिंग पर्सेंटेजनुसार दुसऱ्या स्थानावर पोहचले आहेत. न्यूझीलंडने 2 पैकी एक सामना जिंकला असून एक गमावला आहे. ते 12 गुण आणि 50 टक्के विनिंग पर्सेंटेज घेत तिसऱ्या स्थनावर आहेत.

बांगालेदश देखील 12 गुण आणि 50 टक्के विनिंग पर्सेंटेज घेत चौथ्या स्थनावर आहेत. तर भारतीय संघाने आफ्रिकेविरूद्धचा पहिला सामना मोठ्या फरकाने हरल्याने पाचव्या स्थानावर पोहचले आहेत. भारताने 3 सामन्यापैकी 1 सामना जिंकला असून एक सामना गमावला आहे. तर एक सामना ड्रॉ झाला आहे. भारताचे 16 गुणांसह विनिंग पर्सेंटेज हे 44.44 टक्के इतके झाले आहे.

(Sports Latest News)