Video : राशिद खानची श्रीलंकेच्या खेळाडू सोबत भर मैदानात भांडण

SL vs AFG Rashid Khan Angry Danushka Gunathilaka : आशिया कप 2022 चे सुपर-4 सामने सुरू झाले आहेत. शनिवारी अफगाणिस्तान आणि श्रीलंका यांच्यात सामना झाला, ज्यात लंकेने 4 विकेटने विजय मिळवला. हा सामना अटीतटीचा ठरला आणि शेवटपर्यंत दोन्ही संघांनी विजयासाठी सर्वतोपरी प्रयत्न केले. अशा स्थितीत दोन्ही देशांच्या खेळाडूंमध्ये भांडणही झाली. अफगाणिस्तानचा स्टार लेगस्पिनर राशिद खानचा श्रीलंकेचा फलंदाज दानुष्का गुनाथिलकासोबत वाद झाला त्यावेळी या सामन्याचे वातावरण तापले.

अफगाणिस्तानने प्रथम फलंदाजी करताना श्रीलंकेसमोर 176 धावांचे लक्ष्य ठेवले, जे श्रीलंकेने 6 गडी गमावून पूर्ण केले. श्रीलंकेने हा सामना 5 चेंडू राखून जिंकला. मात्र सामन्याच्या 17व्या षटकात राशिद खान रागाने लाल झाला होता. या षटकात रशीद गोलंदाजी करत होता आणि श्रीलंकेचा स्टार फलंदाज दानुष्का गुनाथिलकाने त्याच्या चेंडूवर रिव्हर्स स्वीप चौकार मारला. यावर रशीद अजिबात खूश नव्हता आणि स्वतः काहीतरी बडबडला. त्यानंतर या दोघांमध्ये जबरदस्त भांडण पाहायला मिळाली. शेवटी पंचांना बचावासाठी मधी यावे लागले.

रशीद कोठे या वादानंतर शांत राहणार होता? दानुष्का कडून चौकार खाल्ल्यानंतर लगेचच पुढच्या चेंडूवर रशीदने त्याला क्लीन बोल्ड केले. दनुष्का गुणातिलकाने 20 चेंडूत 33 धावा करून बाद झाला. आशिया कप 2022 मध्ये अफगाणिस्तान आणि श्रीलंका यांच्यात हा दुसरा सामना खेळला गेला. याआधी दोन्ही संघांमध्ये गटसाखळीत सामना रंगला होता. त्या सामन्यात अफगाणिस्तानने श्रीलंकेचा ८ गडी राखून पराभव केला होता. श्रीलंकेचा संघ आता आपला पुढचा सामना टीम इंडियाविरुद्ध 6 सप्टेंबरला खेळणार आहे.