Ravindra Jadeja : आधी रणजी ट्रॉफी खेळा! बीसीसीआने रविंद्र जडेजाला दिले आदेश

Ravindra Jadeja Ranji Trophy : भारतीय निवडसमितीने नुकतेच ऑस्ट्रेलिया विरूद्धच्या मायदेशात होणाऱ्या कसोटी मालिकेतील पहिल्या दोन कसोटी सामन्यांसाठी भारतीय संघाची घोषणा केली. निवडसमितीने दुखापतीतून सावरत असलेल्या रविंद्र जडेजाचा संघात समावेश केला आहे. मात्र याचबरोबर टीम लिहिली की जडेजाचा संघातील समावेश हा त्याचा फिटनेस पाहून केली जाईल.

यामुळे बीसीसीआयला अजूनही रविंद्र जडेजा पूर्णपेणे फिट झाला आहे की नाही याबाबत शंका असल्याचे दिसून येते. दरम्यान, काही दिवसांपूर्वीच एनसीएने रविंद्र जडेजा आणि जसप्रीत बुमराह दोघेही फिट असल्याची घोषणा केली होती. मात्र ऐनवेळी बुमराहने माघार घेतली. हे दोघेही एनसीएमध्ये रिहॅब करत आहेत.

रविंद्र जडेजा फिट आहे की नाही याबाबत साशंकतेचे वातावरण निर्माण झाले असतानाच आता बीसीसीआयने रविंद्र जडेजाला रणजी ट्रॉफी खेळण्याचे आदेश दिले आहे. गेल्या सप्टेंबर महिन्यात रविंद्र जडेजाच्या गुडघ्यावर शस्त्रक्रिया करण्यात आली होती. त्यामुळे तो टी 20 वर्ल्डकपला देखील मुकला होता.

आता निवडसमितीने त्याला ऑस्ट्रेलियाविरूद्धच्या दोन कसोटी सामन्यासाठी निवडलेल्या संघात घेतले आहे. एनसीएने त्याच्या फिटनेसबाबत निर्वाळा दिल्याशिवाय त्याचा समावेश झाला नसता. मात्र तरी देखील निवडसमितीने रविंद्र जडेजाला रणजी ट्रॉफीत खेळण्यास सांगितले आहे. ही जडेजाची एक प्रकारे फिटनेस टेस्टच असेल. जडेजाला रणजी ट्रॉफीत आपला मॅच फिटनेस सिद्ध करावा लागणार आहे.

(Sports Latest News)

हेही वाचा : आर्थिक निर्णय घेताना बनू नका चिंतातूर जंतू....