Rivaba Jadeja Video : जडेजाची पत्नी रिवाबाचा तुफान राडा; महापौरांवरच काढला जाळ, खासदारही आल्या पट्ट्यात

Rivaba Jadeja Video : भारताचा क्रिकेटपटू रविंद्र जडेजाची पत्नी रिवाबा ही जामनगरची आमदार आहे. पहिल्यांदाच आमदार झालेल्या रिवाबा या सध्या सोशल मीडियावर चांगल्याच ट्रेंड होऊ लागल्या आहेत. त्यांचा एक व्हिडिओ सोशल मीडियावर व्हायरल झाला आहे.

रिवाबा जडेजा आणि महापौर बीना कोठारी तसेच खासदार पूनम माडम यांच्यासोबत कोणत्यातरी गोष्टीवरून वाद झाला. यावेळी रिवाबा रागाच्या भरात महापौर बीना कोठोरी यांना लायकीत राहण्यास सांगत होत्या.

आमदार रिवाबा आणि बाकीच्या महिला नेत्या या जामनगर येथील लाखोटा तलाव परिसरात जामनगर महानगर पालिकेतर्फे आयोजित माझी माती - माझा देश या कार्यक्रमात उपस्थित होत्या.

कार्यक्रमादरम्यान, रिवाबा महापौर मॅडमना म्हणतात की तुम्ही लायकीत रहा जास्त स्मार्ट होण्याची गरज नाही. याच्यावर महापौरांनी देखील प्रत्युत्तर दिलं. त्यानंतर रिवाबा जाम भडकल्या. या व्हिडिओत रिवाबा महापौरांना बरंच काही बोलताना दिसत आहेत. यानंतर खासदार पूनम यांनी मध्यस्थी केली. रिवाबा यांनी खासदारांनाही सुनवायला मागेपुढे पाहिले नाही.

भाजपच्या या महिला नेत्यांच्या भांडणाचा व्हिडिओ सध्या सोशल मीडियावर चांगलाच व्हायरल होत आहे. या व्हिडिओत पोलीस आणि कार्यकर्ते देखील दिसत आहेत. त्यांच्यासमोरच या महिला नेत्या एकमेकांना भिडल्या. पोलीस आणि कार्यकर्ते देखील या नेत्यांना शांत करण्याचा प्रयत्न करत होते.

(Sports Latest News)