सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
रोहन बोपन्ना आणि मॅथ्यू एबडेन या जोडीने ऑस्ट्रेलियन ओपनच्या पुरुष दुहेरीत इतिहास रचला. आज (शनिवार, 27 जानेवारी) या जोडीने अंतिम फेरीत इटलीच्या सिमोन बोलेली आणि आंद्रिया वावासोरी यांचा सरळ सेटमध्ये पराभव केला. भारताचा बोपन्ना आणि ऑस्ट्रेलियाचा एबडेन या जोडीने पहिल्यांदाच हे विजेतेपद पटकावले आहे. बोपन्ना आणि एबडेन यांनी हा सामना 7-6 (7-0), 7-5 असा जिंकला. दोघांनी पहिला सेट 7-6 (7-0) असा जिंकला जो टायब्रेकरपर्यंत गेला. यानंतर दुसरा सेट 7-5 अशा फरकाने जिंकला.
यासह रोहन बोपन्ना 2012 मध्ये ऑस्ट्रेलियन ओपन पुरुष दुहेरीचे विजेतेपद पटकावणारा लिएंडर पेसनंतर दुसरा भारतीय ठरला. बोपन्ना आणि एबडेन यांना प्रत्येकी सुमारे 2 कोटीची बक्षीस रक्कम मिळेल. (Rohan Bopanna Australian Open)
43 वर्षीय बोपन्ना नुकताच पुरुष दुहेरीच्या क्रमवारीत पहिल्या क्रमांकावर पोहोचला आहे. प्रतिष्ठेच्या पद्मश्री पुरस्कारासाठीही त्यांची निवड झाली होती. ओपन एरामध्ये ग्रँडस्लॅम जिंकणारा बोपन्ना सर्वात वयस्कर खेळाडू ठरला. वयाच्या 43 वर्षे 329 दिवसांत तो चॅम्पियन बनला.
ग्रँडस्लॅम पुरुष दुहेरी स्पर्धेत रोहन बोपन्नाचा हा 61 वा सामना होता. त्याने 19 वेगवेगळ्या सहकाऱ्यांसोबत सामने खेळले आहेत. बोपन्नाने अमेरिकेच्या राजीव रामचा अनोखा विक्रम मोडला. पुरुष दुहेरीचे पहिले विजेतेपद जिंकण्यापूर्वी बोपन्ना या स्पर्धेत सर्वाधिक सामने खेळणारा खेळाडू ठरला. राजीव रामला पहिले पुरुष दुहेरी ग्रँडस्लॅम जिंकण्यासाठी 58 सामने लागले. बोपन्नाने आपल्या 61व्या सामन्यात हे विजेतेपद पटकावले. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
