विक्रमादित्य सचिनकडून प्रज्ञानंदाच तोंडभरुन कौतुक

जागतिक क्रमवारीत अव्वल स्थानावर असलेल्या मॅग्नस कार्लसेनला (Magnus Carlsen) पराभवाचा दणका देणाऱ्या आर. प्रज्ञानानंदा (R Praggnanandhaa) याचा सचिन तेंडुलकरही जबरा फॅन झालाय. 16 वर्षीय भारतीय बुद्धिबळपटू प्रज्ञानंदा याने दिमाखदार कामगिरी करत जगजेत्या कार्लसनला रोखून दाखवलं होतं. कार्लसनला पराभूत करणारी त्याची खेळी जादूई वाटते, अशी भावना मास्टर ब्लास्टर सचिन तेंडुलकरनं व्यक्त केली आहे. बुद्धीबळाच्या खेळात आगामी कामगिरीसाठी खूप खूप शुभेच्छा, अशा शब्दांत तेंडुलकरने आर. प्रज्ञानंदावर कौतुकाचा वर्षाव केला आहे. (Sachin Tendulkar congratulates R Praggnanandhaa on defeating Magnus Carlsen Youve made India proud )

प्रज्ञानंदाची कामगिरी अद्भुत अशी आहे. काळ्या सोंगट्यासह त्याने केलेली खेळीही जादूई होती. त्याने भारताची मान अभिमानाने उंचावणारी कामगिरी करुन दाखवलीये. भविष्यातील वाटचालीसाठी खूप खूप शुभेच्छा, अशा आशयाचे ट्विट करत मास्टर ब्लास्टरने भारतीय युवा बुद्धिबळपट्टूला प्रोत्सहान दिले आहे.